અમિતાભ બચ્ચનની ‘ભૂતનાથ ફિલ્મને શનિવારે 12 વર્ષ પૂરા થયા. 2008માં રિલીઝ થયેલ કોમેડી હોરર ફિલ્મની પોસ્ટ બિગ બીએ સોશિયલ મીડિયા પર શેર કરી છે. અમિતાભે આ ફિલ્મ અને તેમની 1990ની એક ફિલ્મ ‘અગ્નિપથ’ વચ્ચે જોડાયેલ એક સામ્યતા પણ શેર કરી છે.
તેમણે લખ્યું કે, 12 વર્ષ ભૂતનાથના, બાળકો મને હજુ ભૂતનાથ અંકલ કહે છે. પરંતુ કોઈએ અગ્નિપથની એક જબરદસ્ત વાત શોધી કાઢી છે. તે ફિલ્મમાં એક સીનમાં હું જેલની અંદર જઈ રહ્યો છું તેનો સીન છે. તે જેલની દીવાલ પર ચોકથી ભૂતનાથ લખેલું છે. અગ્નિપથ ભૂતનાથ ફિલ્મ બની તેના ઘણા વર્ષ પહેલાં બની હતી. આવું કઈ રીતે બન્યું. જો તમારી પાસે ડીવીડી હોય તો તેમાં અથવા નેટ પર એ સીન જોજો. આકસ્મિક રીતે તે મારો અગ્નિપથનો પહેલો શોટ હતો.
View this post on InstagramA post shared by Amitabh Bachchan (@amitabhbachchan) on May 8, 2020 at 11:10pm PDT
‘ભૂતનાથ’ ફિલ્મમાં અમિતાભની સાથે શાહરુખ ખાન, જુહી ચાવલા અને અમન સિદ્દીકી લીડ રોલમાં હતા. ફિલ્મને વિવેક શર્માએ ડિરેક્ટ કરી હતી. ત્યારબાદ 2014માં બિગ બીની ફિલ્મ ‘ભૂતનાથ રિટર્ન્સ’ પણ આવી હતી.
હાલ તો અમિતાભ બચ્ચન લોકડાઉનમાં તેમના ઘર જલસામાં પરિવાર સાથે સમય વિતાવી રહ્યા છે. તેઓ સોશિયલ મીડિયા પર તેમની ફિલ્મ સાથે જોડાયેલ કિસ્સાઓ શેર કરતા રહે છે. ઉપરાંત લોકોને ઘરે સુરક્ષિત રહેવા અપીલ કરતા રહે છે.
Download Dainik Bhaskar App to read Latest Hindi News Today
from Divya Bhaskar https://ift.tt/2Adswdm
https://ift.tt/2AefCfd