28 મેના રોજ મેન્સ્ટ્રુઅલ હાઈજીન ડે પર અક્ષય કુમારે બે વર્ષ પહેલાં રિલીઝ થયેલી પોતાની ફિલ્મ ‘પેડમેન’ને યાદ કરી હતી. આ ફિલ્મ મેન્સ્ટ્રુઅલ હાઈજીનના વિષય પર આધારિત હતી. આ પ્રસંગે ફિલ્મને લઈ અક્ષય કુમારે એક ટ્વીટ કરી હતી. જોકે, આ ટ્વીટમાં અક્ષય કુમારથી એક ભૂલ થઈ ગઈ હતી. આ જ કારણથી તેણે પત્નીની માફી માગવી હતી.
અક્ષયે આ ભૂલ કરી
અક્ષયે ટ્વીટ કરી હતી, ‘પેડમેન’ રિલીઝને બે વર્ષ થઈ ચૂક્યા છે. હું ખુશ છું કે આ ફિલ્મ દ્વારા અમે એક ગંભીર સબ્જેક્ટને તમામની સામે લાવી શક્યા. મેન્સ્ટ્રુઅલ હાઈજીન ડેના પ્રસંગે આશા છે કે અમે માસિકધર્મની માન્યતાઓને તોડી શક્યા. આ ટ્વીટમાં અક્ષય કુમારે સોનમ કપૂર તથા રાધિકા આપ્ટેને ટેગ કર્યાં હતાં. જોકે, ફિલ્મની પ્રોડ્યૂસર ટ્વિંકલ ખન્નાને ટેગ કરવાનું ભૂલી ગયો હતો.’
It’s been 2 years to #PadMan and I’m glad we managed to push the envelope a little on this taboo subject. This #MenstrualHygieneDay, I hope we move a step closer towards ending period poverty and breaking taboos surrounding menstruation. @sonamakapoor @radhika_apte pic.twitter.com/NinRxcm3Cm
— Akshay Kumar (@akshaykumar) May 28, 2020
ટ્વિંકલ ખન્ના ગુસ્સે થઈ
અક્ષયે પોતાની ટ્વીટમાં ટ્વિંકલ ખન્નાને ટેગ ના કરી હોવાથી તે ગુસ્સે થઈ ગઈ હતી. તેણે ટ્વીટ કરીને કહ્યું હતું ‘નક્કી, તું મારી આગામી ફિલ્મમાં કામ નહીં કરે.’
અક્ષય કુમારે તરત જ માફી માગી
આ ટ્વીટ પર અક્ષય કુમારે માફી માગતા કહ્યું હતું, ‘પ્લીઝ, મારા પેટ પર લાત ના મારો.’ આ સાથે જ અક્ષયે હાથ જોડવાની ઈમોજી શૅર કરી હતી. આગળ અક્ષયે લખ્યું હતું, ‘હું ટીમને ટેગ કરવાનું ભૂલી ગયો. પ્રોડ્યૂસર ટ્વિંકલ ખન્ના, ડિરેક્ટર આર બાલ્કી તથા અરૂણાચલમ મુરુગનાથમ વગર ‘પેડમેન’ બનવી શક્ય જ નહોતી.’
Please mere pet pe laat mat maro 🙏🏻 Missed tagging the team. Apologies to my producer, @mrsfunnybones, director #RBalki and the man without whom Padman wouldn’t be made @murugaofficial https://t.co/FbrOBSFLjG
— Akshay Kumar (@akshaykumar) May 28, 2020
ટ્વિંકલ ખન્નાની આ પહેલી ફિલ્મ હતી
ટ્વિંકલ ખન્નાની પ્રોડ્યૂસર તરીકેની આ પહેલી ફિલ્મ હતી. તેણે પોતાના પ્રોડક્શન હાઉસ મિસિસ ફનીબોન્સ હેઠળ આ ફિલ્મને પ્રોડ્યૂસ કરી હતી. આ ફિલ્મ 9 ફેબ્રુઆરી, 2018ના રોજ રિલીઝ થઈ હતી. 2019માં આ ફિલ્મને સામાજિક મુદ્દે બનેલી બેસ્ટ ફિલ્મનો નેશનલ અવોર્ડ મળ્યો હતો.
Download Dainik Bhaskar App to read Latest Hindi News Today
from Divya Bhaskar https://ift.tt/2Xd0Qyl
https://ift.tt/2MdIFC4
