‘યે જવાની હૈ દીવાની’ ફિલ્મ 31 મે 2013માં રિલીઝ થઇ હતી. ફિલ્મને આજે 7 વર્ષ પૂરા થતા ફિલ્મની ટીમે સોશિયલ મીડિયા પર ફિલ્મની થ્રોબેક મેમરીઝ શેર કરી હતી. દીપિકા પાદુકોણ અને રણબીર કપૂર સ્ટારર આ ફિલ્મને લોકોને ઘણી વખાણી હતી.
દીપિકાએ સોશિયલ મીડિયા પર પોસ્ટ શેર કરી લખ્યું કે, અમારી પહેલી લુક ટેસ્ટ. દીપિકાએ ફિલ્મના તેના કેરેક્ટર નૈના તલવારનો ડાયલોગ પણ શેર કર્યો હતો કે, યાદેં મીઠાઈ કે ડિબ્બે કી તરહ હોતી હૈ... એક બાર ખુલા તો સિર્ફ એક ટુકડા નહીં ખા પાઓગે.
View this post on InstagramA post shared by Deepika Padukone (@deepikapadukone) on May 31, 2020 at 12:39am PDT
આ ફિલ્મને અયાન મુખર્જીએ ડિરેક્ટ કરી હતી અને કરણ જોહરે પ્રોડ્યુસ કરી હતી. ફિલ્મમાં રણબીર અને દીપિકાની સાથે આદિત્ય રોય કપૂર અને કલ્કી પણ લીડ રોલમાં હતા. ફિલ્મને 7 વર્ષ પૂરા થતા કરણ જોહરે પણ ફિલ્મની અમુક ક્લિપ્સ શેર કરી હતી.
દીપિકા અને રણબીરે 2008માં ‘બચના એ હસીનો’ ફિલ્મમાં સાથે કામ કર્યું હતું, તે ફિલ્મમાં મિનિષા લાંબા અને બિપાશા બાસુ પણ લીડ રોલમાં હતા. ત્યારબાદ 2013માં તેઓ ‘યે જવાની હૈ દીવાની’ ફિલ્મમાં સાથે દેખાયા અને ત્યારબાદ તેઓ રિલેશનશિપમાં પણ આવ્યા હતા. 2015માં તેઓ ઈમ્તિયાઝ અલીની ફિલ્મ ‘તમાશા’માં સાથે જોવા મળ્યા હતા.
Download Dainik Bhaskar App to read Latest Hindi News Today
from Divya Bhaskar https://ift.tt/3esnyZ4
https://ift.tt/2XLlhRZ
