રાણા દગ્ગુબતીએ થોડાં દિવસ પહેલાં જ મિહિકા બજાજ સાથેના સંબંધો ઓફિશિયલ કર્યાં હતાં. હાલમાં જ આ બંનેની રોકા સેરેમની યોજાઈ હતી. હવે, રાણાના પિતા તથા પ્રોડ્યૂસર સુરેશ બાબુએ કહ્યું હતું કે રાણા તથા મિહિકાના લગ્ન આઠ ઓગસ્ટે યોજાશે.
સુરેશ બાબુએ કહ્યું હતું કે રાણા તથા મિહિકા આઠ ઓગસ્ટના રોજ બંને પરિવારની હાજરીમાં લગ્ન કરશે. સરકારે કોરોનાવાઈરસને લઈ જે ગાઈડલાઈન બહાર પાડી છે, તે પ્રમાણે જ આ લગ્ન યોજાશે.
હાલમાં રોકા સેરેમની યોજાઈ હતી
રાણા તથા મિહિકાની રોકા સેરેમની હૈદરાબાદમાં રામાનાયડુ સ્ટૂડિયોમાં યોજાઈ હતી.
રાણાએ મિહિકાને લઈ વાત કરી હતી
રાણાએ કહ્યું હતું, ‘મિહિકા હૈદરાબાદમાં જ મોટી થઈ છે. અમારા જુબિલી હિલ્સ સ્થિત ઘરની નજીકમાં જ રહે છે. તે તેલુગુ બોલી શકે છે પરંતુ તેમાં માહિર નથી. અમારી દુનિયા એક જેવી જ છે. મારા પરિવાર સાથે તેના મિત્રતા જેવા સંબંધ છો અને મુંબઈમાં તેના ફ્રેન્ડ સર્કલને હું ઓળખું છું.’
મિહિકાને ખ્યાલ હતો
રાણાએ આગળ કહ્યું હતું, ‘મેં જ્યારે તેને બોલાવી ત્યારે તેને ખ્યાલ હતો. પછી અમે મળ્યાં. મને યાદ છે કે મેં તેની સાથે કેટલીક બાબતો અંગે વાત કરી હતી. મારા માટે એ અત્યંત ગંભીર હતી. કમિટમેન્ટ સૌથી મહત્ત્વની બાબત છે. જ્યારે હું તેને મળ્યો ત્યારે મને લાગ્યું કે હું આ માટે તૈયાર છું. તે ઘણું જ સરળ હતું. મેં ક્યારેય ફિલ્મ ઈન્ડસ્ટ્રી સાથે સંકળાયેલ વ્યક્તિ સાથે લગ્ન કરવા કે ના કરવા તે અંગે બહુ વિચાર્યું નહોતું. હું તેને મળ્યો. તે મને પસંદ આવી અને બસ. મને મારો પ્રેમ મળી ગયો.’
મિહિકા બિઝનેસ પરિવારમાંથી આવે છે
રાણાએ મિહિકા બજાજ સાથેના સંબંધો છૂપાવીને રાખ્યા હતાં. મિહિકા બિઝનેસ પરિવારમાંથી આવે છે. મિહિકા પોતાની ઈવેન્ટ મેનેજમેન્ટ કંપની ડ્યૂ ડ્રોપ ડિઝાઈન સ્ટૂડિયોની ફાઉન્ડર છે. મિહિકાએ મુંબઈમાંથી ઈન્ટિરિયર ડિઝાઈનમાં ડિપ્લોમા કર્યું છે. તેણે લંડનમાંથી આર્ટ એન્ડ ડિઝાઈનમાં માસ્ટર ડિગ્રી લીધી છે. મુંબઈમાં તે છેલ્લાં એક વર્ષથી ઈન્ટિરિયર ડિઝાઈનર તરીકે કામ કરે છે.
રાણા દગ્ગુબતીના વર્કફ્રન્ટની વાત કરવામાં આવે તો તેની અપકમિંગ ફિલ્મ ‘હાથી મેરે સાથી’ છે. આ ફિલ્મ હિન્દી, તમિળ અને તેલુગુમાં બની છે. ફિલ્મ 2 એપ્રિલ 2020માં રિલીઝ થવાની હતી પરંતુ લૉકડાઉનને કારણે ફિલ્મ રિલીઝ થઈ શકી નહોતી અને હજી સુધી નવી ડેટ જાહેર કરવામાં આવી નથી.
Download Dainik Bhaskar App to read Latest Hindi News Today
from Divya Bhaskar https://ift.tt/3eCYWN4
https://ift.tt/2Xg6bEZ
