સુશાંત સિંહ રાજપૂતના મૃત્યુના કારણોને લઈને ઘણા અંદાજ લગાવવામાં આવી રહ્યા છે. તેની આત્મહત્યા પાછળ નિપોટિઝમ અને ગ્રુપીઝમને જવાબદાર માનવામાં આવી રહ્યું છે. સોશિયલ મીડિયા પર આરોપ-પ્રત્યારોપનો માહોલ છે.
આ વચ્ચે બે મહિના પહેલાં મૃત્યુ પામનાર ઈરફાન ખાનના દીકરા બાબીલ ખાને લોકોને અપીલ કરી છે. બાબીલે ઇન્સ્ટાગ્રામ પર એક પોસ્ટ શેર કરી લખ્યું કે, સગાવાદ વિરુદ્ધ ખુલીને બોલવાની વાતને હું સપોર્ટ કરું છું પણ તેણેસુશાંતનું નામ લઇને આવું ન કરવા માટે અપીલ કરી છે.
બાબીલે ઈરફાન ખાન અને સુશાંત સિંહનો ફોટો શેર કરી લખ્યું કે, આ બધું હજુ પણ સરળ થઇ રહ્યું નથી. આપણે બે ઈમાનદાર અને સમજદાર લોકોને ગુમાવી દીધા છે. જે રીતે સુશાંત ગયા તે આઘાતજનક છે. સ્વાભાવિક રીતે આપણે કોઈના કોઈ પર આરોપ લગાવવામાં લાગ્યા છીએ, જે ઘણું નિરાશાજનક છે. કારણકે બીજા પર દોષ ઠાલવીને શાંતિ મેળવવી ઠીક નથી. હું તમને લોકોને આગ્રહ કરું છું કે આ દુર્ભાગ્યપૂર્ણ ઘટના માટે કોઈને જવાબદાર ન ગણાવો. મારી વિનંતી છે કે આ ઘટનાના કારણો શોધવાનું બંધ કરો.
View this post on InstagramA post shared by Babil Khan (@babil.i.k) on Jun 23, 2020 at 5:39am PDT
બાબીલે લખ્યું કે, આ એ લોકો માટે વધુ દુઃખદાયક છે જે તેમના ગમતા વ્યક્તિના જવાથી પહેલેથી જ દુઃખી છે. આપણે આ લોકોના ઉમદા કામના વખાણ કરવા જોઈએ. હું એટલું કહેવા ઈચ્છું છું કે સુશાંતનું નામ યુઝ કરવું યોગ્ય નથી. તેનું નામ લીધા વગર સાચી વાત માટે અવાજ ઉઠાવો. જો તમે સગાવાદ વિરુદ્ધ વિદ્રોહ કરવા ઈચ્છો છો તો બિલકુલ કરો, પણ સુશાંતનું નામ કોઈપણ ભોગે ન વાપરો.
સુશાંત સિંહે 14 જૂને મુંબઈના તેના ઘરે ફાંસી ખાઈને આત્મહત્યા કરી હતી. પોલીસને શરૂઆતની તપાસમાં ખબર પડી કે સુશાંત છેલ્લા 6 મહિનાથી ડિપ્રેશનની સારવાર લઇ રહ્યો હતો. પોલીસ આ બાબતે નજીકના મિત્રો, પરિવાર વગેરેની પૂછપરછ કરી રહી છે.
Download Dainik Bhaskar App to read Latest Hindi News Today
from Divya Bhaskar https://ift.tt/3dtZvYP
https://ift.tt/383mGrN