લોકડાઉન પછીથી બધી ફિલ્મ, સિરિયલ વગેરેનું શૂટિંગ અટકી ગયું હતું. હવે જ્યારે દેશમાં બધું ખુલી રહ્યું છે ત્યારે સ્ટાર્સે પણ શૂટિંગ શરૂ કરી દીધું છે. બોલિવૂડના કિંગ ખાન શાહરુખે અનલોક બાદ પહેલીવાર શૂટિંગ કર્યું છે. આ શૂટિંગ માટે ટીમ ખુદ શાહરુખના ઘર મન્નત પહોંચી હતી અને ત્યાં બાલ્કનીમાં જ સેટ અપ કરવામાં આવ્યું હતું.
View this post on InstagramA post shared by Viral Bhayani (@viralbhayani) on Jun 26, 2020 at 7:51am PDT
હાલમાં જ બોલિવૂડ પેપરાઝી વિરલ ભયાણીએ શાહરુખના અમુક ફોટોઝ અને વીડિયોઝ શેર કર્યા છે જેમાં શાહરુખ કોઈવાર નારા લગાવતો, હાથ ફેલાવીને શોટ આપતો તો કોઈવાર વાળ સરખા કરતો દેખાયો. શાહરુખ બાલ્કનીની બહાર અમુક ડાયલોગ પણ બોલી રહ્યો હતો અને શોટ પાછળથી લેવામાં આવ્યો છે.
બાલ્કનીમાં ચાલી રહેલ શૂટિંગ દરમ્યાન શાહરુખ સાથે થોડા જ લોકો હાજર હતા. શૂટિંગ દરમ્યાન તેણે ચેક્સવાળો શર્ટ, ડેનિમ અને ડાર્ક શેડના ગોગલ્સ પહેર્યા હતા. આ ક્યાં પ્રોડક્ટનું શૂટિંગ છે તેની જાહેરાત થઇ નથી.
View this post on InstagramA post shared by Viral Bhayani (@viralbhayani) on Jun 26, 2020 at 6:06am PDT
શાહરુખ ખાન પહેલાં લોકડાઉનમાં જાગૃતતા ફેલાવવા માટે ઘણા સ્ટાર્સે ઘરેથી શૂટિંગ કર્યું હતું. તેમાં વરુણ ધવન, સારા અલી ખાન, વિકી કૌશલ, સિદ્ધાર્થ મલ્હોત્રા જેવા ઘણા સ્ટાર્સ સામેલ છે. અમિતાભ બચ્ચન ગેમ રિયાલિટી શો KBC 12નું શૂટિંગ ઘરેથી જ કરી રહ્યા છે.
Download Dainik Bhaskar App to read Latest Hindi News Today
from Divya Bhaskar https://ift.tt/2A7iavO
https://ift.tt/2BIt4Zy
