અનુપમ ખેરે તસવીર શૅર કરીને કહ્યું, ‘માઈકલ જેક્સનને મળવા માટે હું બેરિકેડ તોડીને સ્ટેજ પર દોડી ગયો હતો’

બોલિવૂડ એક્ટર અનુપમ ખેર સોશિયલ મીડિયામાં ઘણાંજ એક્ટિવ છે. અનુપમ ખેરપોતાના જીવન સાથે જોડાયેલી નાની-મોટી વાતો શૅર કરતા રહેતા હોય છે. હાલમાં જ અનુપમ ખેરે એક ખાસ તસવીર શૅર કરીને તે તસવીર પાછળની વાત પણ કહી હતી. અનુપમ ખેરે જે તસવીર શૅર કરી છે, તેમાં તે માઈકલ જેક્સન સાથે હાથ મિલાવતા જોવા મળે છે.

ભારતમાં અનુપમ ખેરની મુલાકાત માઈકલ જેક્સન સાથે થઈ
ફોટો શૅર કરીને અનુપમે કહ્યું હતું, ‘આ તસવીર પાછળની વાત. 1996માં જ્યારે માઈકલ જેક્સન ભારત આવ્યા ત્યારે ઓબેરોય હોટલના ગાર્ડનમાં એક ગેટટુગેધર યોજવામાં આવ્યું હતું. કેટલાંક લોકોને માઈકલ જેક્સન સાથે મુલાકાત કરાવવા માટે આમંત્રિત કરવામાં આવ્યા હતાં અને તેમાંથી હું એક નસીબદાર વ્યક્તિ હતો. ભરતભાઈ શાહનો આભાર. આ ગાર્ડનમાં સ્પેશિયલ ગેસ્ટ માટે એક નાનકડું સ્ટેજ બનાવવામાં આવ્યું હતું અને બેરિકેડ્સ પણ મૂકવામાં આવ્યા હતાં. માઈકલ જેક્સન આવ્યા અને બોડીગાર્ડ્સ સ્ટેજ પર ઊભા રહી ગયા હતાં. મહેમાનોની વચ્ચે એકદમ શાંતિ હતી. હું તે જાદુગર (માઈકલ)ને જોતો હતો. આ જાદુગરે પોતાના ઈલેક્ટ્રિફાઈંગ પર્ફોર્મન્સથી આખા યુનિવર્સને મંત્રમુગ્ધ તથા સંમોહિત કરી દીધું હતું.’

View this post on Instagram

Story of this picture!! When Michael Jackson visited India in 1996 a group of selected people were invited to meet him exclusively at Oberoi hotel gardens. I was also the lucky one. Thanks to Bharat Bhai Shah. There was a small stage set up in the garden with a barricade for the special guests. MJ walked down from his suite and stood on the improvised stage with his bodyguards. There was silence and sense of awe among the selected guests. I was looking at this magician who had enthralled and hypnotised the entire universe with his electrifying performances. He was just few feet away from me. I wanted to capture this moment. So I broke the barricade jumped on the stage and almost hugged MJ. The bodyguards rushed towards me and before they could pick me up bodily Bharat Bhai Shah in panic introduced me to Michael Jackson as the biggest actor in India. He immediately and politely bent down and shook a jubilant me’s hands. And my history was captured in this picture. Sometimes you have to make an effort to create Kucch Bhi Ho Sakta Hai moments. Jai Ho!! 😍😍😎🤓 Pic courtesy my friend @timmins.andre. #MichaelJackson #Overwhelming

A post shared by Anupam Kher (@anupampkher) on Jun 29, 2020 at 6:24pm PDT

બેરિકેડ્સ તોડીને માઈકલને મળ્યો
અનુપમ ખેરે આગળ કહ્યું હતું, ‘તેઓ થોડાં જ દૂર હતાં. હું આ ક્ષણને કેપ્ચર કરવા માગતો હતો. હું બેરિકેડ્સ તોડીને સ્ટેજ પર પહોંચ્યો અને માઈકલ જેક્સનને ગળે લગાવવાની તૈયારીમાં જ હતો. બોડીગાર્ડ્સ મારી તરફ દોડ્યાં અને તેઓ મને પકડી લે એ પહેલાં જ ભરતભાઈએ મારી મુલાકાત માઈકલ જેક્સન સાથે કરાવી અને કહ્યું હતું કે આ ભારતના બિગેસ્ટ એક્ટર છે. માઈકલે તરત જ વિન્રમતાથી ઝૂકીને મારીસાથે હાથ મિલાવ્યા. આ તસવીર કેપ્ચર થઈ ગઈ. ઘણીવાર તમારે કુછ ભી હો સકતા હૈં ક્ષણ માટે પ્રયાસ કરવા પડે છે. જય હો. આ તસવીર માટે આંદ્રે ટિમિન્સનો આભાર. ’

ઉલ્લેખનીય છે કે આંદ્રે ટિમિન્સ વિઝક્રાફ્ટના કો-ફાઉન્ડર તથા ડિરેક્ટર છે. તેમણે માઈકલ જેક્સનની ટૂર ભારતમાં ઓર્ગેનાઈઝ કરી હતી. ભરતભાઈ શાહ બોલિવૂડના જાણીતા ફિલ્મ ફાઈનાન્સર, ડિસ્ટ્રીબ્યૂટર તથા પ્રોડ્યૂસર છે.

નોંધનીય છે કે 1996માં માઈકલ જેક્સનની મુંબઈમાં યોજાયેલ કોન્સર્ટ સફળ રહી હતી. આ કોન્સર્ટમાં અંદાજે પાંચ હજાર લોકો હાજર રહ્યાં હતાં. ભારત છોડતા પહેલાં માઈકલે પોતાના હોટલના રૂમના ઓશીકા પર હાથેથી લખેલો પત્ર મૂક્યો હતો. આ પત્રમાં કહેવામાં આવ્યું હતું કે તે ભારત દેશ તથા તેના લોકોમાં પ્રેમમાં પડી ગયો. તે અહીંયાના લોકોની વિન્રમતાથી ઘણો જ ખુશ થયો. તેણે ભારતને પોતાનો ખાસ પ્રેમ ગણાવ્યો હતો. ઉલ્લેખનીય છે કે હોલિવૂડ પોપ સ્ટાર માઈકલ જેક્સનના ચાહકો વિશ્વભરમાં છે. માઈકલ જેક્સનની મૂન વૉક ચાહકોમાં ઘણી જ લોકપ્રિય હતી. વર્ષ 25 જૂન, 2009ના રોજ માઈકલ જેક્સનનું અવસાન થયું હતું.

અનુપમ ખેરે હાલમાં જ પોતાનું ઓટોબાયોગ્રાફિકલ પ્લે ‘કુછ ભી હો સકતા’ને ડિજિટલી રિલીઝ કર્યું છે. આ પ્લેમાં અનુપમ ખેરની જર્ની બતાવવામાં આવી છે, જેમાં નિષ્ફળતા તથા સફળતાની વાત કરવામાં આવી છે.

Download Dainik Bhaskar App to read Latest Hindi News Today

Anupam Kher shared the photo and said, "I broke the barricade and ran on stage to meet Michael Jackson."

from Divya Bhaskar https://ift.tt/38cdmSw
https://ift.tt/2YHwCUW