ફિલ્મ ઈન્ડસ્ટ્રી સુશાંત સિંહ રાજપૂતના નિધનથી હજી પણ આઘાતમાં છે. સુશાંતે 14 જૂનના રોજ આત્મહત્યા કરી હતી. 20 દિવસ બાદ પણ સુશાંતના કો-સ્ટાર્સ તથા મિત્ર હજી પણ શોકમાંથી બહાર આવી શક્યા નથી. સુશાંતની સાથે ફિલ્મ ‘એમએસ ધોનીઃ ધ અનટોલ્ડ સ્ટોરી’માં કામ કરનાર ભૂમિકા ચાવલાએ હાલમાં જ એક્ટરને યાદ કરતી પોસ્ટ શૅર કરી હતી. ભૂમિકાએ આ ફિલ્મમાં સુશાંતની બહેનની ભૂમિકા ભજવી હતી.
ભૂમિકા એક્ટર સુશાંતને ભૂલી શકતી નથી
ભૂમિકાએ કહ્યું હતું, ‘20 દિવસ પસાર થવા છતાંય...જ્યારે પણ સૂઈને ઊઠું છું ત્યારે તારો જ વિચાર આવે છે. અત્યાર સુધી એ જ વિચાર આવે છે કે માત્ર એક જ વાર તારી સાથે કામ કર્યું પરંતુ હજી પણ તારી સાથે જોડાયેલી છું. તે ડિપ્રેશન હતું, કોઈ અંગત વાત હતી, તું બોલવા માગતો હતો પરંતુ પ્રોફેશનલ કારણ હતું તો પણ મને વાંધો છે, કારણ કે તે અનેક સારી ફિલ્મમાં કામ કર્યું હતું.’
View this post on InstagramA post shared by Bhumika Chawla (@bhumika_chawla_t) on Jul 3, 2020 at 5:06am PDT
ભૂમિકાએ આગળ કહ્યું હતું, ‘હા એ વાત સાચી છે કે સર્વાઈવ કરવું સરળ નથી. હું ઈનસાઈડર તથા આઉટસાઈડરની વાત કરતી નથી. આ એવું જ છે. મારા માટે પણ 50થી વધુ ફિલ્મ કર્યાં બાદ આ કામ કરવું સરળ નથી. જોકે, હું ખુશ છું કે હું કામ કરી રહી છું. એવો પણ સમય આવે છે, જ્યારે તમે ઈન્ડસ્ટ્રીના લોકોને ફોન કે મેસેજ કરો ત્યારે કેટલાંક સારી રીતે જવાબ આપે છે પરંતુ કેટલાંક એવા પણ છે, તે તમને ઓળખતા પણ ના હોય તે રીતે વર્તન કરે છે. દુનિયામાં દરેક પ્રકારના લોકો છે. હું ફરીથી આભારી છું કે મને ઓછામાં ઓછું કામ તો મળી રહ્યું છે.’
વધુમાં ભૂમિકાએ કહ્યું હતું, ‘આ શહેર આપણને સપના આપે છે. નામ આપે છે. ક્યારેક ક્યારેક તો ગુમનામ પણ કરે છે. લાખોની વસ્તીમાં એકલા પાડી દે છે અને જો કોઈ વાત હતી તો હું ઈચ્છું છું કે તે લોકો સુધી પહોંચે. સુશાંત સિંહ રાજપૂત, તમે જ્યાં પણ હોવ ભગવાન તમારી આત્માને શાંતિ આપે.’
Download Dainik Bhaskar App to read Latest Hindi News Today
from Divya Bhaskar https://ift.tt/2NQsAmO
https://ift.tt/2YXNaYQ