સ્મૃતિ ઈરાનીએ ટીવી શો ‘ક્યોંકિ સાસ ભી કભી બહુ થી’ના 20 વર્ષ પૂર્ણ થતાં એક વીડિયો શૅર કર્યો હતો. આ વીડિયોમાં સ્મૃતિએ પોતાના શોનો પહેલો સીન યાદ કરીને કેટલીક યાદો શૅર કરી હતી. આ સાથે જ પ્રોડ્યૂસર એકતા કપૂરના આત્મવિશ્વાસના વખાણ કર્યાં હતાં તો એકતાએ કહ્યું હતું કે ગુજરાતમાં ભૂકંપ આવ્યા બાદ લોકો ઘરની બહાર ટીવી સેટ્સ મૂકીને આ સિરિયલ જોતા હતાં.
સ્મૃતિએ કહ્યું હતું, ‘20 વર્ષ પહેલાં સુધા આંટીની સાથે આ સીન મારા પહેલાં સીન્સમાંથી એક હતો. મેં મારી લાઈન ગોખી નાખી હતી. બહુ જ બધી નર્વસ હતી. એકતા કપૂરે ડિરેક્ટરને શૂટિંગ શરૂ કરવાની સલાહ આપી હતી. ડિરેક્ટરે એકતાને કહ્યું હતું કે આ પ્રોજેક્ટ ફ્લોપ રહેશે, કારણે કે તુલસીના પાત્રમાં કાસ્ટ કરેલી છોકરીમાં ટેલેન્ટ નથી.’
View this post on InstagramA post shared by Smriti Irani (@smritiiraniofficial) on Jul 3, 2020 at 5:31am PDT
સ્મૃતિએ આગળ કહ્યું હતું, ‘મને પૂછવામાં આવ્યું કે એક એક્ટર તરીકે હું મારી પૂરી ક્ષમતા સાથે શોટ કેમ આપતી નથી તો મેં કહ્યું હતું કે જો મને એમ કહેવામાં ના આવે કે હું પાત્ર માટે કેવી રીતે ફિટ રહું તો હું આ પાત્રને કેવી રીતે ભજવી શકું? હું વચન આપું છું કે હું મારા સાથી કલાકારોની મદદ લઈશ, હું એકલા આ કરી શકું નહીં.’
‘એકતાએ મને આમ કરવાની આઝાદી આપી અને પછી જે થયું તે ટીવીનો ઈતિહાસમાં છે. તુલસીના પાત્રમાં ઢળવા માટે તમામ એક્ટર્સ તથા ક્રૂનો આભાર.’
એકતાએ પણ શો સાથે જોડાયેલી યાદ શૅર કરી
એકતાએ ઈન્સ્ટાગ્રામ પોસ્ટમાં પણ આ શો સાથે જોડાયેલી યાદો શૅર કરી હતી. એકતાએ કહ્યું હતું, ચેનલે આ સિરિયલ માટે જે પૈસા માગ્યા હતાં, તેના કરતાં વધુ પૈસા આપ્યા હતાં. ‘ક્યોંકિ સાસ ભી કભી બહૂ થી’ના 20 વર્ષ...મને યાદ છે કે હું નર્વસ થઈને સમીરસર તથા તરૂણની સામે ‘ક્યોંકિ’ અંગે વાત કરતી હતી. તેમને કહી રહી હતી કે સાસુ-વહુ ડ્રામા ચાલી શકે છે અને અમે એક લાખ રૂપિયામાં આ કરવા તૈયાર છીએ. પછી તરુણે મારી માતાને ફોન કર્યો અને કહ્યું કે મેં ભાવતાલ માટે ફોન કર્યો છે. મારી માતાએ કહ્યું કે ના ના, અમે એક લાખ રૂપિયાથી ઓછામાં કરી શકીએ નહીં. જોકે, જવાબમાં તેમણે કહ્યું, ‘આના માટે અમે તમને 1.40 લાખ રૂપિયા આપીશું..તમે આ શો પર આટલો ખર્ચ કરજો.’
View this post on InstagramA post shared by Erk❤️rek (@ektarkapoor) on Jul 3, 2020 at 1:58am PDT
ટીવી ઈતિહાસમાં પહેલી વાર થયું
એકતાએ આગળ કહ્યું હતું, ‘આવું ક્યારેય બન્યું નહોતું કે એક ચેનલે ભાવ કરતાં વધુ પૈસા આપ્યા, કારણ કે તેઓ સારી ગુણવત્તા ઈચ્છતા હતાં. જોકે, ચેનલના દૃઢ વિશ્વાસ તથા સમર્થનથી અમે આ કરી શક્યા. પહેલીવાર કોઈ ડેલી સોપ પ્રાઈમ ટાઈમ પર આવી હતી અને ઈતિહાસ બની ગયો હતો. ત્યારબાદ એકતાએ સમીર, તરુણ કટિયાલ, સિરિયલની ટીમ તથા ક્રૂ, મોનિષા તથા સ્ટાર પ્લસનો આભાર વ્યક્ત કર્યો હતો.’
View this post on InstagramA post shared by Erk❤️rek (@ektarkapoor) on Jul 3, 2020 at 2:05am PDT
આ શોએ મારું જીવન બદલી નાખ્યું
આ સિરિયલ માટે અન્ય એક પોસ્ટમાં એકતાએ કહ્યું હતું, ‘ક્યોંકિ’ના 20 વર્ષ..એક એવો શો જેણે મારું જીવન બદલી નાખ્યું. ત્યારબાદ આની લોકપ્રિયતા તથા વિશ્વભરમાં આ શો ભારતના ‘સોફ્ટ રાજદૂત’ની જેમ રજૂ થયો હતો. તે સમયે અમને તક આપવા માટે નેટવર્કનો આભાર.’ એકતાએ આ શોના ટાઈટલ સોંગના બે વીડિયો પણ શૅર કર્યાં હતાં.
View this post on InstagramA post shared by Erk❤️rek (@ektarkapoor) on Jul 3, 2020 at 8:53am PDT
ગુજરાતમાં ભૂકંપ આવ્યા બાદ લોકો બહાર ટીવી મૂકીને શો જોતા હતાં
એકતાએ આગળ કહ્યું હતું, ‘મને યાદ છે કે મેં ક્યાંક વાંચ્યું હતું કે જ્યારે ગુજરાતમાં ભૂકંપ આવ્યો ત્યારે લોકો કેવી રીતે પોતાના ટીવી ઘરની બહાર મૂકીને ‘ક્યોંકિ..’ જોતા હતાં. મારા માટે આ સૌથી ભાવુક કરનારી ક્ષણ હતી. તમારા પ્રેમ માટે આભાર.’ ઉલ્લેખનીય છે કે 3 જુલાઈ, 2000ના રોજ આ સિરિયલ શરૂ થઈ હતી અને છેલ્લો એપિસોડ 6 નવેમ્બર, 2008માં પ્રસારિત થયો હતો.
Download Dainik Bhaskar App to read Latest Hindi News Today
from Divya Bhaskar https://ift.tt/2ZyQSax
https://ift.tt/2ZFRuuO