બોલિવૂડનાં સુપ્રસિદ્ધ કોરિયોગ્રાફર સરોજ ખાન હવે આપણી વચ્ચે રહ્યા નથી. તેમના મૃત્યુ પર દુઃખ વ્યક્ત કરીને બીગ બી અમિતાભ બચ્ચને તેમની ઇન્સ્ટાગ્રામ પર એક મોટી પોસ્ટ લખી છે,જેમાં સરોજ ખાન સાથેની પ્રથમ મુલાકાતથી લઈને તેમના તરફથી મળેલા સૌથી સારા વખાણના કિસ્સા જણાવ્યા છે.
અમિતાભે લખ્યું, આ કમ્યુનિકેટિવ વર્લ્ડમાં હું તમને જણાવી રહ્યો છું, સરોજ ખાન મૃત્યુ પામ્યાં...અને સમયની દોડનો એક આખો ઈતિહાસ મગજમાં સામે આવી જાય છે...તે સમયે હું લાખો દિલની ધડકન મુમતાઝ સાથે ડિરેક્ટર ઓપી રાલ્હનની ફિલ્મ ‘બંધેહાથ’ શરુ કરવા જઈ રહ્યો હતો.
‘સરોજજી પણ ત્યારે મુખ્ય ડાન્સ ડિરેક્ટરમાંથી એક યુવા, ઉત્સાહી અને જિંદાદિલ ડાન્સ આર્ટીસ્ટ હતાં...આ બધું મુમતાઝની કૃપાથી થઇ રહ્યું હતું કારણ કે તેમણે એક નવા કલાકાર સાથે કામ કરવાની મંજૂરી આપી દીધી હતી. તેઓ એક મોટા સ્ટાર હતાં અને હું કઈ પણ નહોતો.’
‘મેં ઘણી સાવધાની સાથે તેમને જોયા હતાં’
‘સરોજજી એક સોન્ગ માટે ડાન્સર્સની ભીડમાં હતાં...જ્યારે તેઓ ત્યાંથી દૂર ગયા ત્યારે મેં તેમને ઘણી સાવધાની જોયા અને તેવું લાગ્યું કે તે ગર્ભવતી છે. પરંતુ થોડીવાર પછી તેઓ કોઈ પણ મુશ્કેલી વગર ડાન્સ કરવા લાગ્યાં’
‘તેમના મુવ્સથી દરેક કલાકાર ફેમસ થવા લાગ્યો’
‘અને પછી આવનારા સમયમાં તેઓ ફેમસ ડાન્સ ડિરેક્ટર બની ગયાં..કે બીજી ભાષામાં કહીએ તો તે કોરિયોગ્રાફર બની ગયા. તેમના મુવ્સને કારણે જે કલાકાર તેમની સાથે કામ કરતા હતા તે બધા ફેમસ થઇ ગયા.’
‘સારા શોટ પર એક રૂપિયાનો સિક્કો આપતા હતાં’
‘જ્યારે પણ તેઓ કોઈ કલાકારને સારો શોટ આપતાં જોતા તો તેને પોતાની તરફ બોલાવતા અને એક રૂપિયાનો સિક્કો આપતા હતાં...શાબાશીના રૂપે અથવા તો શગુનના રૂપે. ઘણા ઘણા ઘણા વર્ષો પછી એક ફિલ્મમાં સોન્ગની સિક્વલ વખતે મને પણ તે સિક્કો મળ્યો...તે એક મોટી ઉપલબ્ધિ હતી.’
‘તેમણે શબ્દોને ડાન્સનો અર્થ આપવાની કલા શીખવાડી’
સરોજજી તમે અમને અને ફિલ્મ ઇન્ડસ્ટ્રીને લય, શૈલી, ગ્રેસ ઓફ મુવમેન્ટ અને ગીતના બોલને ડાન્સમાં પરાવર્તિત કરવાની કલા આપી. ઘણા વર્ષ પછી થયેલી એક મુલાકાત દરમિયાન તેમણે મારા વખાણ કર્યા હતા
‘ડોન ફિલ્મની રિલીઝ વખતે તેઓ દુબઈ રહેતા હતાં’
લગ્ન પછી તેઓ દુબઈ રહેતા હતાં અને ડોન રિલીઝ થયા પછી તેમણે કહ્યું કે, મેં ફિલ્મ જોયી અને તે પછી ત્યાં ગઈ જે થિએટરમાં તેને રિલીઝ કરી હતી. તે સમયે હું તમારું સોન્ગ ‘ખઈકે પાન બનારસ વાલા’ શરુ થાય અને હું તેને જોયા પછી થિએટરમાંથી બહાર આવી જતી. હું રોજ આવું કરવા લાગી.
‘એક સોન્ગ જોવા માટે રોજ થિએટર જતી હતી’
‘મેં ગેટકીપરને કહ્યું કે, મને તે સોન્ગ જોવા અંદર જવા દો અને તે પૂરું થાય પછી હું બહાર આવી જઈશ..તમે સમજી શકો છો, તે સોન્ગમાં તમારા ડાન્સ મુવ્સને જોઇને ઘણી ખુશી થઇ..’
‘તેમનાં તરફથી આ વખાણ મળવા એ પરમ સુખ બરાબર હતું. તેમનાં જવાથી એક વારસાનું મૃત્યુ થઇ ગયું.’
View this post on InstagramA post shared by Amitabh Bachchan (@amitabhbachchan) on Jul 2, 2020 at 10:41pm PDT
Download Dainik Bhaskar App to read Latest Hindi News Today
from Divya Bhaskar https://ift.tt/2D5JDiB
https://ift.tt/3e0HSjz