સિમી ગરેવાલે કહ્યું, પૂર્વ મેનેજર દિશા સલિયનના મોતની તપાસ સુશાંત કેસની સચ્ચાઈ સામે લાવશે

બોલિવૂડ એક્ટ્રેસ સિમી ગરેવાલે હાલમાં જ ટ્વિટર પર ટ્વીટ કરીને માગણી કરી હતી કે સુશાંત સિંહ રાજપૂતની પૂર્વ મેનેજર દિશા સલિયનના મોતની તપાસ થવી જોઈએ. સુશાંતે 14 જૂનના રોજ પોતાના બ્રાંદ્રા સ્થિત ઘરમાં આત્મહત્યા કરી હતી. દિશાએ આઠ જૂનના રોજ મલાડ સ્થિત બિલ્ડિંગમાંથી પડતું મૂકીને આત્મહત્યા કરી હતી.

સિમી ગરેવાલે ટ્વીટ કરી
સિમી ગરેવાલે ટ્વીટ કરીને કહ્યું હતું, દિશા સલિયનના મોતની તપાસ થવી જોઈએ. આ બાબતને કેમ અવગણવામાં આવી રહી છે? તે તપાસથી સુશાંતની હત્યા પાછળના ષડયંત્રનો ખુલાસો થશે. CBIએ આ કેસની તપાસ કરવી જોઈએ. અમારે સાચી વાત જાણવી છે. અમે હવે અટકી શકીએ નહીં.

#DishaSalian death must be investigated.Why was it ignored?? It will reveal the truth of the conspiracy linked to the murder of #SSR. #CBIforShushant MUST investigate. We demand the truth. We can't be stopped now..🙏

— Simi Garewal (@Simi_Garewal) August 1, 2020

દિશાની માતાએ અલગ જ વાત કહી
હાલમાં જ ઝી ન્યૂઝને આપેલા ઇન્ટરવ્યૂમાં દિશાની માતાએ કહ્યું હતું કે ઘણાં દિવસો સુધી દિશા અને સુશાંત સાથે કામ કરે તે વાતની માહિતી તેમને નહોતી. એક્ટરનું કામ છોડ્યા પછી દિશાએ ક્યારેય સુશાંતનો સંપર્ક કર્યો નહોતો અને ફિલ્મ ઇન્ડસ્ટ્રીના એક પણ વ્યક્તિ સાથે દિશાની કોઈ વાતચીત થઈ નહોતી. તેમણે વધુમાં કહ્યું હતું કે સુશાંતની પહેલાં દિશા ઐશ્વર્યા રાય સાથે ફિલ્મ ‘જ્ઝ્બા’ અને ‘એ દિલ હૈ મુશ્કેલ’માં કામ કરી ચૂકી છે. દિશાને રણબીર કપૂર સાથે પણ કામ કરવું હતું અને તે શક્ય ના થયું તો તે થોડી ચિંતામાં મૂકાઈ હતી.

મેનેજર સાથે સુશાંતે છેલ્લી મુલાકાત કરી હતી
ન્યૂઝ ચેનલ આજ તક સાથેની વાતચીતમાં સિદ્ધાર્થે કહ્યું હતું કે તે સુશાંતને 13 જૂનના રોજ રાત્રે એક વાગે મળ્યો હતો. આ સમયે તે પોતાની એક્સ મેનેજર દિશા સલિયનના આત્મહત્યા કેસને કારણે દુઃખી હતો. સુશાંતનું નામ વાંરવાર આ કેસ સાથે જોડવામાં આવ્યું હતું અને તેના માટે બ્લાઈન્ડ આઈટમ (નનામા આર્ટિકલ) લખવામાં આવી હતી. આ બધાને કારણે સુશાંત વ્યાકુળ હતો. વધુમાં સિદ્ધાર્થે કહ્યું હતું કે તે સુશાંતની પર્સનલ લાઈફમાં સ્પેસ આપતો હતો અને આથી જ તેને સુશાંત અને તેની ગર્લફ્રેન્ડ રિયા ચક્રવર્તી અંગે કોઈ માહિતી નહોતી. તે રિયાને ઓળખતો પણ નથી અને તેણે ક્યારેય રિયાને કોઈ સવાલ-જવાબ કર્યા નહોતા.

પિતાના રિયા પર આક્ષેપો
ગયા મહિને સુશાંતના પિતા કે કે સિંહે બિહારમાં રિયા વિરુદ્ધ પોલીસ ફરિયાદ કરી હતી. આ ફરિયાદમાં કહેવામાં આવ્યું હતું કે રિયા સતત સુશાંતને ધમકી આપતી હતી કે તે દિશાના કેસમાં તેને ફસાવી દેશે. રિયાએ જ દિશાને સુશાંતની સેક્રેટરી તરીકે અપોઈન્ટ કરી હતી. જૂન મહિનાના પહેલા વીકમાં રિયાએ સુશાંતનું ઘર છોડી દીધું હતું. તેણે સુશાંતનો નંબર પણ બ્લોક કરી દીધો હતો. સુશાંતને ડર હતો કે દિશાના આત્મહત્યા કેસમાં રિયા તેને દોષીત સાબિત કરશે. કે કે સિંહે આક્ષેપ કર્યો હતો કે રિયાએ સુશાંતના બેંક અકાઉન્ટમાંથી 15 કરોડ રૂપિયા લીધા હતા.

Download Dainik Bhaskar App to read Latest Hindi News Today

Simi Garewal says probe into former manager Disha Salian's death will bring Sushant's case truth

from Divya Bhaskar https://ift.tt/33iFKlC
https://ift.tt/2D2boJu

બિહાર પોલીસ સુશાંતના ઘરમાં ડેથ સીન ફરીવાર રીક્રિએટ કરશે, મુંબઈ ટીમ પાસેથી ફોરેન્સિક પુરાવા લેશે

બિહારમાં સુશાંત સિંહ રાજપૂતના પિતા કે કે સિંહે પોલીસ ફરિયાદ કરી હતી. બિહારની ટીમ શક્ય તેટલા તમામ એન્ગલથી આ કેસથી તપાસ કરી રહી છે. કહેવામાં આવી રહ્યું છે કે કેસની નાનામાં નાની વાતને સમજવા માટે હવે બિહારની ટીમ બાંદ્રા સ્થિત સુશાંતના ઘરમાં ફરી એકવાર ડેથ સીનને રીક્રિએટ કરશે. ટીમ મુંબઈ પોલીસ પાસેથી ફોરેન્સિક પુરાવાઓ લેશે. આ પુરાવા મળ્યા બાદ ડેથ સીન રીક્રિએટ કરશે.

સુશાંત સિંહ રાજપૂતે 14 જૂનના રોજ પોતાના બાંદ્રા સ્થિત ઘરમાં ગળેફાંસો ખાધો હતો. હાઉસ વર્કરે સૌ પહેલાં સુશાંતની બહેનનો ફોન કર્યો હતો. ત્યારબાદ ડુપ્લીકેટ ચાવી બનાવનાર વ્યક્તિને બોલાવીને રૂમનો દરવાજો ખોલવામાં આવ્યો હતો. રિપબ્લિક ટીવીના અહેવાલ પ્રમાણે હવે બિહાર પોલીસ આ આખા સીનને બીજીવાર રીક્રિએટ કરશે. સુશાંતના મૃત્યુ બાદ રૂમમાંથી મળેલો તમામ સામાન ફોરેન્સિક ટેસ્ટ માટે મોકલવામાં આવ્યો હતો. આ સામાન હાલમાં મુંબઈ પોલીસ પાસે છે. બિહાર પોલીસ આ તમામ પુરાવાઓનો બીજીવાર ઉપયોગ કરશે.

બિહાર પોલીસે લેખિતમાં આવેદન કર્યું
સૂત્રોના મતે, બિહાર પોલીસે બાંદ્રા પોલીસને લેખિત આવેદન આપ્યું છે. આવેદનમાં બિહાર પોલીસે સુશાંતના મોત સમયે લેવામાં આવેલી તસવીરો તથા વીડિયોની માગણી કરી છે. આ સાથે જ પલંગની તસવીર, દરવાજા પર મળેલા ફિંગર પ્રિન્ટ્સ, બેગ, ઈલેક્ટ્રોનિક ગેજેટ, ડિવાઈસ તથા તેના કપડાંની પણ માગણી કરી છે. ડેથ સીનનું રીક્રિએશન ફોરેન્સિક ટીમની હાજરીમાં જ કરવામાં આવશે.

સુશાંત સિંહ રાજપૂતનું ઘર

બાંદ્રા પોલીસ સ્ટેશનને આપેલા નિવેદનમાં સુશાંતના હાઉસ હેલ્પરે કહ્યું હતું કે 14 જૂને પણ સુશાંત રોજ ઊઠે છે તે જ રીતે ઊઠ્યો હતો. દાડમનો જ્યૂસ પીને થોડીવાર માટે વીડિયો ગેમ રમી હતી. પછી તે પોતાના રૂમમાં જતો રહ્યો હતો. લંચમાં શું બનાવવું તે માટે તેણે સુશાંતના રૂમનો દરવાજો ખખડાવ્યો હતો. જોકે, કોઈ અવાજ કે પ્રતિક્રિયા આવી નહોતી. લાંબા સમય સુધી રાહ જોયા બાદ હેલ્પરે સુશાંતની બહેનને ફોન કર્યો હતો. આ બહેન મુંબઈમાં જ રહે છે. ત્યારબાદ નવી ચાવી બનાવનારને બોલાવામાં આવ્યો હતો અને દરવાજો ખોલવામાં આવ્યો હતો. દરવાજો ખોલ્યો તો સુશાંત પંખા સાથે લટકતી હાલતમાં મળી આવ્યો હતો.

Download Dainik Bhaskar App to read Latest Hindi News Today

Bihar police to recreate death scene at Sushant's house again, take forensic evidence from Mumbai team

from Divya Bhaskar https://ift.tt/2XeElZt
https://ift.tt/2BPh7Bx

સુશાંતની પૂર્વ મેનેજર દિશા સલિયનની માતાનો દાવો, ‘મારી દીકરીનાં મૃત્યુ સાથે એક્ટરને કોઈ લેવા-દેવા નથી’

સુશાંતના પિતાએ બિહારમાં કેસ ફાઈલ કર્યા પછી રોજ નવા ખુલાસા થઇ રહ્યા છે. એક્ટરના રૂમમેટ સિદ્ધાર્થ પિઠાનીએ હાલમાં આપેલા ઇન્ટરવ્યૂમાં કહ્યું કે, આત્મહત્યા કર્યાની એક રાત પહેલાં સુશાંત તેની પૂર્વ મેનેજર દિશા સલિયનના મૃત્યુમાં તેનું નામ જોડાવાને લઇને ચિંતામાં હતો. હવે આ વાત પર દિશાની માતાએ કહ્યું કે, દિશાના સુસાઈડ કેસનો સુશાંત સાથે કોઈ સંબંધ નથી. સુશાંત સાથે કામ છોડ્યા પછી દિશાની તેના સાથે કોઈ વાતચીત પણ થતી નહોતી.

હાલમાં જ ઝી ન્યૂઝને આપેલા ઇન્ટરવ્યૂમાં દિશાની માએ કહ્યું કે, ઘણા દિવસો સુધી દિશા સુશાંત સાથે કામ કરે છે તે વાતની જાણ નહોતી. એક્ટરનું કામ છોડ્યા પછી દિશાએ તેનો કોન્ટેક્ટ ક્યારેય કર્યો નહોતો અને ફિલ્મ ઇન્ડસ્ટ્રીના પણ કોઈ સાથે દિશાની વાતચીત થતી નહોતી.

તેમણે વધુમાં કહ્યું કે, સુશાંતની પહેલાં તે ઐશ્વર્યા રાય સાથે ફિલ્મ ‘જ્ઝ્બા’ અને ‘એ દિલ હૈ મુશ્કેલ’માં કામ કરી ચૂકી છે. દિશાને રણવીર કપૂર સાથે પણ કામ કરવું હતું અને તે શક્ય ન થયું તો તે થોડી ચિંતિત થઇ ગઈ હતી.

રિપબ્લિક ટીવીને આપેલા ઇન્ટરવ્યૂમાં સુશાંતના રૂમમેટ અને મિત્ર સિદ્ધાર્થે કહ્યું કે, સુશાંતના મૃત્યુના એક દિવસ પહેલાં જ તે મળ્યો હતો. 13 જૂનની રાતે આશરે 1 વાગ્યે સિદ્ધાર્થ સુશાંતને મળ્યું ત્યારે દિશાના મૃત્યુને લઇને તે ચિંતામાં હતો. દિશા એક્ટરની પૂર્વ મેનેજર હતી જેને લઇને સુશાંત પર કેટલાક બ્લાઈન્ડ આઈટમ પણ લખી રહ્યા હતા. આ બધું જોઈને સુશાંત દુઃખી હતો. અમુક સૂત્રો પ્રમાણે દિશા અને સૂરજ પંચોલી રિલેશનમાં હતાં આથી સૂરજ અને સુશાંત વચ્ચે ઝઘડો પણ થયો હતો.

Download Dainik Bhaskar App to read Latest Hindi News Today

Sushant's X Manager Disha Saliyan's Mother Claims, 'Actor Has Nothing To Do With Daughter's Death'

from Divya Bhaskar https://ift.tt/3k5ggOj
https://ift.tt/319ZQf5

સુશાંત બે સિમ કાર્ડનો ઉપયોગ કરતો હતો પરંતુ એક પણ સિમ તેના નામે રજિસ્ટર્ડ નહોતું: બિહાર પોલીસ

સુશાંત સિંહ રાજપૂત કેસમાં નવા નવા ખુલાસાઓ થતા રહે છે. હાલમાં જ સુશાંતના પિતાએ બિહારમાં રિયા ચક્રવર્તી વિરુદ્ધ પોલીસ ફરિયાદ કરી છે. આ જ કારણથી બિહાર પોલીસના ચાર અધિકારીઓની એક ટીમ મુંબઈ આવી છે. ટીમ સુશાંત સિંહ રાજપૂત કેસની તપાસ કરી રહી છે. આ દરમિયાન બિહાર પોલીસને એ વાતની માહિતી મળી છે કે સુશાંત જે સિમ કાર્ડનો ઉપયોગ કરતો હતો તે તેના નામ પર રજિસ્ટર્ડ નહોતું.

બે સિમ કાર્ડ અલગ-અલગ વ્યક્તિના નામે
બિહાર પોલીસ રોજ સુશાંત કેસમાં નવા નવા ખુલાસાઓ કરી રહી છે. બિહાર પોલીસને તપાસ દરમિયાન એ વાત જાણવા મળી કે સુશાંત બે સિમ કાર્ડનો ઉપયોગ કરતો હતો. જોકે, આ બંને સિમ કાર્ડ તેના નામ પર રજિસ્ટર્ડ નહોતા. એક સિમ કાર્ડ સેમિયલ મિરાન્ડા તથા બીજું સિમ કાર્ડ સિદ્ધાર્થ પેઠાનીના નામ પર હતું.

CDR ટ્રેક કરશે
બિહાર પોલીસને આ બંને સિમ કાર્ડની માહિતી મળી ગઈ છે. હવે બિહાર પોલીસ બંને સિમનો CDR (કોલ ડિટેલ રેકોર્ડ) ટ્રેક કરી રહી છે. પોલીસ જાણવા માગે છે કે સુશાંતે કોની-કોની સાથે વાત કરી હતી. બિહાર પોલીસનો ટેક્નિકલ વિભાગ પણ આ તપાસમાં જોડાયો છે. બિહાર પોલીસ જાણવા માગે છે કે કઈ પરિસ્થિતિમાં સુશાંત બે સિમ કાર્ડનો ઉપયોગ કરતો હતો. બંને સિમ કાર્ડ શા માટે તેના નામ પર નહોતાં. સિમ કાર્ડ અંગે પોલીસે સિદ્ધાર્થ પેઠાની સાથે વાત કરી હતી.

None of the sim cards that were being used by Sushant was registered in his name. One of them was registered in the name of his friend Siddharth Pithani. We are now tracking the call detail records (CDRs): Bihar Police. #SushantSinghRajputDeathCase

— ANI (@ANI) August 2, 2020

બિહાર પોલીસ પૂર્વ મેનેજર દિશાના પરિવારની પૂછપરછ કરશે
બિહાર પોલીસે સુશાંતની પૂર્વ મેનેજર દિશા સલિયનના પરિવારનો સંપર્ક કરવાનો પ્રયાસ કર્યો હતો. જોકે, હજી સુધી બિહાર પોલીસ દિશાના પરિવારનો સંપર્ક કરી શકી નથી. ઉલ્લેખનીય છે કે દિશા સલિયને આઠ જૂનના રોજ 14મા માળેથી પડતું મૂકીને આત્મહત્યાનો પ્રયાસ કર્યો હતો. બિહાર પોલીસે અત્યાર સુધીમાં સુશાંતના સ્ટાફ મેમ્બર ઉપરાંત સુશાંતની બહેન મિતુ તથા પૂર્વ પ્રેમિકા અંકિતા લોખંડેની પૂછપરછ કરી હતી. ડિરેક્ટર રૂમી ઝાફરી સાથે પણ બિહાર પોલીસે વાત કરી હતી.

મુંબઈ પોલીસે આ કેસમાં કંઈ નથી કર્યું
કેન્દ્રીય મંત્રી આર કે સિંહે ન્યૂઝ એજન્સી ANI સાથેની વાતચીતમાં કહ્યું હતું કે લોકો આ કેસની તપાસ CBI કરે તેમ ઈચ્છે છે. તેમણે પણ મહારાષ્ટ્રના મુખ્યમંત્રીને આ અંગે વિનંતી કરી હતી. CBI પરિવારને ન્યાય અપાવશે અને પરિવાર પણ આમ જ ઈચ્છે છે. મુંબઈ પોલીસે આ કેસમાં કંઈ જ કર્યું નથી. મુંબઈ પોલીસ પબ્લિસિટી માટે માત્ર તપાસ કરી છે. તેમણે FIR પણ ફાઈલ કરી નથી. આ કેસમાં હવે પટનામાં પોલીસ ફરિયાદ કરવામાં આવી હતી.

Mumbai police didn't do anything in the case and were investigating people for publicity. They didn't file an FIR and didn't tell who they are probing. Now an FIR has been lodged in Patna in this matter: RK Singh, Union Minister on #SushantSinghRajput case (2/2) https://t.co/lu4iAcUEzk

— ANI (@ANI) August 2, 2020

હજી સુધી રિયાની પૂછપરછ કરી નથી
બિહાર પોલીસે કહ્યું હતું કે હાલમાં રિયાની પૂછપરછ કરવાની જરૂર નથી પરંતુ તેમની નજર રિયા પર જ છે.

EDએ તપાસ શરૂ કરી
EDએ 31 જુલાઈના રોજ રિયા ચક્રવર્તી વિરુદ્ધ મની લોન્ડરિંગ કેસ દાખલ કર્યો છે. આવતા અઠવાડિયે રિયાને સમન્સ મોકલાય તેવી શક્યતા છે.

શું છે રિયાના પિતાનો આક્ષેપ?
સુશાંતના પિતા કેકે સિંહે 25 જુલાઈએ પટનામાં રિયા ચક્રવર્તી વિરુદ્ધ તેના દીકરાને આત્મહત્યા કરવા માટે ઉશ્કેરવાનો આક્ષેપ મૂકીને પોલીસ ફરિયાદ કરી છે. રિયા, તેનો ભાવિ શોવિક, પિતા ઇન્દ્રજીત, માતા સંધ્યા અને બે મેનેજર સૌમિલ ચક્રવર્તી અને શ્રુતિ મોદી વિરુદ્ધ ગંભીર આક્ષેપો મૂક્યા છે. તેમના વિરુદ્ધ IPCની કલમ 341 અને 342 (ખોટી રીતે રોકવા અથવા બંધક બનાવવા), 380 (ચોરી), 406 (ભરોસો તોડવો), 420 (છેતરપિંડી) અને 306 (આત્મહત્યા માટે ઉશ્કેરવા) હેઠળ કેસ દાખલ કરવામાં આવ્યો છે. સુશાંતના પરિવારે રિયા પર સુશાંતના અકાઉન્ટમાંથી 15 કરોડ રૂપિયા લેવાનો આક્ષેપ મૂક્યો છે.

Download Dainik Bhaskar App to read Latest Hindi News Today

Sushant used two SIM cards but not a single SIM was registered in his name: Bihar Police

from Divya Bhaskar https://ift.tt/30npFJz
https://ift.tt/3i0FzQ0

સુશાંતના કેસ માટે SP વિનય કુમાર તિવારી પટનાથી મુંબઈ જવા રવાના થયા, બહેન શ્વેતાએ ફરીથી પીએમ મોદી પાસે ન્યાય માટે આજીજી કરી

સુશાંત સિંહ રાજપૂતના મૃત્યુના કેસમાં રોજ કંઈક નવા વળાંક આવી રહ્યા છે, મહારાષ્ટ્ર પોલીસની બિહાર પોલીસને કોઈ મદદ ન કરતા હોવાના સમાચાર પછી હવે SP વિનય કુમાર તિવારી મુંબઈ જવા માટે રવાના થઇ ગયા છે. આની પહેલાં મુંબઈ પોલીસે સુશાંતના ડોક્યુમેન્ટ બિહાર પોલીસને ન આપ્યા હોવાની વાત પણ સામે આવી છે.

બિહારના DGPએ કહ્યું, અમને સાથ મળી રહ્યો નથી
DGP ગુપ્તેશ્વર પાંડેએ કહ્યું કે, ‘આ કેસમાં મુંબઈ પોલીસ અમારી મદદ કરી રહી નથી. તેમણે અમને પોસ્ટમોર્ટમ રિપોર્ટ પણ નથી આપ્યો કે સીસીટીવી ફૂટેજ કે અત્યાર સુધીની તપાસમાં જે માહિતીઓ સામે આવી છે તે પણ જણાવી નથી. સુશાંતનો કેસ મોટી મિસ્ટ્રી થઈ ગઈ છે. તેની પરથી પડદો ઉઠવો જ જોઈએ. આ કેસની સાચી હકીકત જલ્દી સામે આવવી જોઈએ. બિહાર પોલીસ તપાસ માટે સક્ષમ છે. પરિવારજનો ઈચ્છે છે કે આ કેસ CBIને સોંપવામાં આવે. આ કેસમાં જેને આરોપી કહી રહ્યા છે તે બધા ભાગી રહ્યા છે. બિહાર પોલીસ સહેલાઈથી આ કેસને હાથમાંથી છૂટવા નહિ દે. હકીકત સામે લાવીને રહીશું.’

ચાવી બનાવનારાની પૂછપરછ
આ દરમિયાન પટના પોલીસ ચાવી બનાવનારાની પૂછપરછ પણ કરવાના છે. તેને સુશાંતના મિત્ર સિદ્ધાર્થ પિઠાનીએ 14 જૂને દરવાજો તોડવા માટે બોલાવ્યો હતો. હાલમાં જ બિહાર પોલીસે સુશાંત ડેથ સીન રિક્રિએટ કર્યો હતો અને સાથે જ નોકરોની પૂછપરછ પણ કરી હતી.

સુશાંતની બહેન શ્વેતાએ એકવાર ફરીથી વડાપ્રધાન મોદી પાસે તેના ભાઈ માટે ન્યાયની માગ કરી છે.

My Dear Sir,
It is time for us to practice Lokmanya Tilak’s “the sense of justice” that inspires you. Please, my humble request is to look into the matter ASAP. 🙏 @narendramodi @PMOIndia https://t.co/8kIgyUZpjP

— shweta singh kirti (@shwetasinghkirt) August 2, 2020

Download Dainik Bhaskar App to read Latest Hindi News Today

Patna City SP Vinay Kumar Tiwari Left Mumbai For Investigation In Sushant Singh Rajput Case

from Divya Bhaskar https://ift.tt/2XAxB8z
https://ift.tt/39N4Ry4

મિત્ર સ્મિતાનો દાવો, રિયાની બાળપણની મિત્રની આત્મા 24 કલાક સાથે રહેતી હતી, ઘરમાં પેરાનોર્મલ એક્ટિવિટી થતી હોવાને કારણે ઘર બદલ્યું હતું

સુશાંત સિંહ રાજપૂત કેસમાં રોજ નવા નવા ખુલાસાઓ થતા રહે છે. હાલમાં જ કેટલાંક અહેવાલોમાં દાવો કરવામાં આવ્યો છે કે રિયા ચક્રવર્તી સુશાંતના પૈસાથી ઘરમાં કાળો જાદુ કરતી હતી. હવે સુશાંતની ફીમેલ ફ્રેન્ડ સ્મિતા પરીખે કહ્યું હતું કે રિયાએ જાતે કબૂલ કર્યું હતું કે તેની સાથે હંમેશાં તેની નાનપણની મિત્રની આત્મા રહેતી હતી. આ ખુલાસો સુશાંતની હાજરીમાં કરવામાં આવ્યો હતો. રિયાએ કહ્યું હતું કે જે પણ તેને હેરાન કરશે તેને આત્મા બરબાદ કરી નાખશે.

હાલમાં જ રિપબ્લિક ટીવીની એક ડીબેટમાં સુશાંતની મિત્ર સ્મિતા સામેલ થઈ હતી. આ દરમિયાન તેણે રિયા પર કાળો જાદુ કરવાનો આક્ષેપ મૂક્યો હતો અને કહ્યું હતું, હું ગયા વર્ષે સુશાંતના જૂના ઘર કપ્રી હાઈટ્સમાં ગઈ હતી. મેં ત્યાં જઈને જોયું કે ઘરમાંથી મોટાભાગનું ફર્નિચર ગાયબ હતું. તો મેં રિયા-સુશાંતને પૂછ્યું હતું કે સામાન ક્યાં ગયો તો જવાબમાં રિયાએ કહ્યું હતું કે ઘરમાં પેરાનોર્મલ એક્ટિવિટી થઈ રહી છે અને આથી જ તેઓ ઘર શિફ્ટ કરે છે.

સુશાંતની મિત્ર સ્મિતાએ કહ્યું હતું કે ક્વૉન્ટમ ફિઝિક્સ જેવા વિષયમાં રસ ધરાવતી વ્યક્તિ આ બધી વાતમાં કેવી રીતે વિશ્વાસ કરી શકે? રિયાએ એમ કહ્યું હતું કે 24 કલાક તેની નાનપણની મિત્રની આત્મા તેની સાથે રહે છે. તેઓ જ્યારે 17 વર્ષના હતા ત્યારે ત્યારે તેની આ ફ્રેન્ડનું મૃત્યુ થયું હતું અને હવે તેની સાથે 24 કલાક આત્મા રહે છે. રિયાને જે પણ હેરાન કરશે કે નુકસાન પહોંચાડશે તે વ્યક્તિને આ આત્મા બરબાદ કરી દેશે.

આ વાત સાંભળીને સુશાંત રૂમની બહાર જતો રહ્યો હતો
સુશાંતને વિજ્ઞાન તથા અવકાશમાં રસ હતો. તે આ બધી વાતોમાં ક્યારેય વિશ્વાસ ધરાવતો નહીં. સ્મિતાએ કહ્યું હતું કે જ્યારે રિયાએ આત્માની વાત કરી ત્યારે સુશાંત રૂમની બહાર નીકળી ગયો હતો. રિયાના મતે બંનેએ પેરાનોર્મલ એક્ટિવિટીને કારણે ઘર બદલ્યું હતું. જોકે, કેટલાક રિપોર્ટમાં દાવો કરવામાં આવ્યો છે કે સુશાંતની લેટ નાઈટ પાર્ટીને કારણે તેને સોસાયટી તરફથી નોટિસ મળી હતી અને તેને લીધે ઘર બદલ્યું હતું.

રિયા, સુશાંતના પૈસાથી કાળો જાદુ કરતી હતી
સુશાંતના પિતા કે કે સિંહનો આક્ષેપ છે કે સુશાંતના બેંક અકાઉન્ટમાંથી ગયા વર્ષે 15 કરોડ રૂપિયા રિયાએ ઉપાડ્યાં હતાં. બીજી તરફ એવી પણ ચર્ચા છે કે આ જ પૈસાથી રિયા પંડિતો પાસે ઘરમાં તંત્ર-મંત્ર અને સુશાંત પર કાળો જાદુ પણ કરાવતી હતી.

Download Dainik Bhaskar App to read Latest Hindi News Today

ડાબે, સ્મિતા પરીખ, સુશાંત-રિયાની ફાઈલ તસવીર

from Divya Bhaskar https://ift.tt/3gmFKob
https://ift.tt/2XlbLFQ

રિયા ચક્રવર્તીએ પાંચ વાર પૂજા-પાઠના નામ પર પૈસા કાઢ્યાં હતાં, પરિવારનો દાવો- આ પૈસાથી સુશાંત પર કાળો જાદુ કરવામાં આવ્યો

સુશાંત સિંહ રાજપૂત સુસાઈડ કેસમાં તેની ગર્લફ્રેન્ડ રિયા ચક્રવર્તી પર ગંભીર આક્ષેપો કરવામાં આવ્યો છે. એક રિપોર્ટ પર વિશ્વાસ કરીએ તો કોટક મહિન્દ્રા બેંકમાંથી સુશાંતના અકાઉન્ટની માહિતી સામે આવી છે. આ માહિતી પ્રમાણે, પાંચવાર પૂજા-પાઠ તથા પંડિતના નામ પર પૈસા કાઢવામાં આવ્યા હતા. સુશાંતના પરિવારે ગંભીર આક્ષેપ કર્યો છે કે રિયાએ આ પૈસાથી સુશાંત પર કાળો જાદુ કર્યો હતો.

આજ તકના રિપોર્ટ પ્રમાણે, કોટક મહિન્દ્રા બેંકમાંથી સુશાંતના ખાતાના જે પેપર સામે આવ્યા છે તે પ્રમાણે, 2019માં 14, 22 જુલાઈ તથા 2, 8 તથા 15 ઓગસ્ટના રોજ પૂજા-પાઠના નામે પૈસા લેવામાં આવ્યા હતા. 15 ઓગસ્ટ પછી એક પણ વાર પૂજા સામ્રગીના નામ પર પૈસા કાઢવામાં આવ્યા નહોતો.

તારીખ	અકાઉન્ટમાંથી કેટલા પૈસા લીધા?
14 જુલાઈ, 2019	45 હજાર રૂ.
22 જુલાઈ, 2019	55 હજાર રૂ., 36 હજાર રૂ.
2 ઓગસ્ટ, 2019	86 હજાર રૂ.
8 ઓગસ્ટ, 2019	11 હજાર રૂ.
15 ઓગસ્ટ, 2019	60 હજાર રૂ.

90 દિવસમાં 3.24 કરોડ રૂપિયાનું ટ્રાન્ઝેક્શન
આ રિપોર્ટ પ્રમામે, સુશઆંતના બેંક ખાતમાં 4.64 કરોડ રૂપિયાનું બેલેન્સ હતું. માત્ર 90 દિવસમાં 3.24 કરોડ રૂપિયા ખર્ચ કરવામાં આવ્યા હતા. 90 દિવસ બાદ બેલેન્સ માત્ર 1.4 કરોડ રૂપિયા રહ્યું હતું. સુશાંતના અકાઉન્ટમાંથી પૈસા ટ્રાન્સફર કરવામાં આવ્યા હતા અથવા તો પૈસા કાઢવામાં આવ્યા હતા. મોટાભાગના પૈસા રિયા અથવા તેના પરિવાર પાછળ ખર્ચ કરવામાં આવ્યા હતા.

કેટલાંક ખર્ચાઓની વિગતો

• 14 ઓક્ટોબર, 2019ના રોજ બેલેન્સ 4.64 કરોડ રૂ.
• 14 ઓક્ટોબર, 2019ના રોજ રિયાના ભાઈ શોવિકના અકાઉન્ટમાં 81,901 રૂ. ટ્રાન્સફર થયા
• 15 ઓક્ટોબર, 2019ના રોજ 4.7 લાખ રૂ. રિયાના ભાઈ શોવિકના હોટલ ખર્ચ પાછળ ખર્ચ્યા
• 15 ઓક્ટોબર, 2019ના દિવસે 4.3 લાખ રૂપિયા દિલ્હીની હોટલ તાજમાં રહેવા માટે ખર્ચ થયા
• 16 ઓક્ટોબર, 2019ના રોજ રિયા તથા શોવિકની દિલ્હીની ફ્લાઈટ ટિકિટ માટે 76 હજાર રૂ. ખર્ચ થયા
• ત્યારબાદ થોડાં થોડાં દિવસના અંતરે અલગ-અલગ રીતે લાખો રૂપિયાનું ટ્રાન્ઝેક્શન કરવામાં આવ્યું હતું
• 14 નવેમ્બર, 2019ના રોજ રિયના નામ પર દોઢ લાખ રૂપિયાનું ટ્રાન્ઝેક્શન થયું હતું
• 20-21 નવેમ્બર, 2019ના રોજ રિયાના મેક-અપ તથા શોપિંગ પાછળ 75 હજાર રૂ. ખર્ચ થયા
• 24 નવેમ્બર, 2019ના દિવસે રિયાના શોપિંગ પર 22,220 રૂ. ખર્ચ થયા
• 25 નવેમ્બરે આ જ ખાતામાંથી રિયાના ભાઈની ટ્યૂશન ફી ચૂકવવામાં આવી હતી

બેંક અકાઉન્ટની ડિટેલ પ્રમાણે, નિયમિત રીતે સુશાંતના ખાતામાંથી અનેક ટ્રાન્ઝેક્શન થયા હતા. આ ટ્રાન્ઝેક્શન રિયા તથા તેના પરિવારના સભ્યોના નામે હતા. રોકડ રકમ પણ ઉપાડવામાં આવી હતી પરંતુ આ રકમ શેની પાછળ ખર્ચ કરવામાં આવી તે હજી સુધી સ્પષ્ટ થયું નથી. ખાતામાંથી સુશાંતના અંગત ખર્ચા તથા ટેક્સની ચૂકવણી પણ કરવામાં આવી હતી. 1.5 કરોડથી વધુ રૂપિયાનું ટ્રાન્ઝેક્શન GST ચૂકવવા પાછળ કર્યું હતું.

પરિવારની માગણી, પોલીસ ટ્રાન્ઝેક્શનની તપાસ કરે
સુશાંતના પરિવારે દાવો કર્યો છે કે એક્ટરના ખાતામાંથી 15 કરોડ રૂપિયાની લેવડદેવડ રિયા તથા તેના નિકટના લોકો માટે થઈ હતી. વકીલ વિકાસ સિંહે કહ્યું હતું કે પોલીસે સુશાંતના ફાઈનાન્સિયલ ટ્રાન્ઝેક્શનની તપાસ કરવી જોઈએ. રિયાએ પૂરી રીતે સુશાંતને પોતાના વશમાં કરી લીધો હતો. રિયા, સુશાંતના જ ક્રેડિટ કાર્ડનો ઉપયોગ કરતી હતી. જોકે, રિયાએ આ દાવાઓને ખોટા ગણાવ્યા છે અને કહ્યું હતું કે તે અને સુશાંત લિવ-ઈનમાં રહેતાં હતાં.

સુશાંતના CAએનો દાવો, એક્ટરના અકાઉન્ટમાં 15 કરોડ રૂ. નહોતા
સુશાંત સિંહ રાજપૂતના CA રહી ચૂકેલા સંદીપ શ્રીધરે કહ્યું હતું કે પરિવાર જે રકમનો દાવો કરે છે તેટલી રકમ ક્યારેય સુશાંતના અકાઉન્ટમાં નહોતી. સુશાંત સામાન્ય રીતે શોપિંગ, ભાડું તથા પ્રવાસ પાછળ પૈસા ખર્ચ કરતો હતો. જે રકમનો દાવો કરવામાં આવ્યો છે તેટલી તો સુશાંતની આવક પણ નહોતી. ગયા વર્ષથી તેની કમાણી ઓછી તી ગઈ હતી. જોકે, રિપોર્ટ્સ પ્રમાણે, વર્ષ પહેલાં રિયાના ભાઈ શોવિકે જ સંદીપ શ્રીધરને સુશાંતના ત્યા અપોઈન્ટ કરાવ્યો હતો.

EDએ તપાસ શરૂ કરી
EDએ 31 જુલાઈના રોજ રિયા ચક્રવર્તી વિરુદ્ધ મની લોન્ડરિંગ કેસ દાખલ કર્યો છે. આવતા અઠવાડિયે રિયાને સમન્સ મોકલાય તેવી શક્યતા છે.

શું છે રિયાના પિતાનો આક્ષેપ?
સુશાંતના પિતા કેકે સિંહે 25 જુલાઈએ પટનામાં રિયા ચક્રવર્તી વિરુદ્ધ તેના દીકરાને આત્મહત્યા કરવા માટે ઉશ્કેરવાનો આક્ષેપ મૂકીને પોલીસ ફરિયાદ કરી છે. રિયા, તેનો ભાવિ શોવિક, પિતા ઇન્દ્રજીત, માતા સંધ્યા અને બે મેનેજર સૌમિલ ચક્રવર્તી અને શ્રુતિ મોદી વિરુદ્ધ ગંભીર આક્ષેપો મૂક્યા છે. તેમના વિરુદ્ધ IPCની કલમ 341 અને 342 (ખોટી રીતે રોકવા અથવા બંધક બનાવવા), 380 (ચોરી), 406 (ભરોસો તોડવો), 420 (છેતરપિંડી) અને 306 (આત્મહત્યા માટે ઉશ્કેરવા) હેઠળ કેસ દાખલ કરવામાં આવ્યો છે. સુશાંતના પરિવારે રિયા પર સુશાંતના અકાઉન્ટમાંથી 15 કરોડ રૂપિયા લેવાનો આક્ષેપ મૂક્યો છે.

Download Dainik Bhaskar App to read Latest Hindi News Today

rhea chakraborty withdrew money five times in the name of puja samagri, family claims- this money was used to cast black magic on Sushant

from Divya Bhaskar https://ift.tt/3fj8wVl
https://ift.tt/3fpWuJP

DGPએ કહ્યું, ‘અમને મુંબઈ પોલીસે મદદ કરી નથી, તેમણે પોસ્ટમોર્ટમ રિપોર્ટ કે સીસીટીવી ફૂટેજ પણ દેખાડ્યા નથી’

એક્ટર સુશાંત સિંહ રાજપૂતના સુસાઈડ કેસને લઈને મુંબઈ પોલીસ અને બિહાર પોલીસ વચ્ચેની ખેંચતાણ હજુ બંધ થઇ નથી. DGP ગુપ્તેશ્વર પાંડેએ કહ્યું કે, આ કેસમાં મુંબઈ પોલીસ અમારી મદદ કરી રહી નથી. તેમણે અમને પોસ્ટમોર્ટમ રિપોર્ટ પણ નથી આપ્યો કે સીસીટીવી ફૂટેજ કે અત્યાર સુધીની તપાસમાં જે માહિતીઓ સામે આવી છે તે પણ જણાવી નથી.

‘હકીકત સામે લાવીને રહીશું’
DGPએ કહ્યું કે, ‘સુશાંતનો કેસ મોટી મિસ્ટ્રી થઈ ગઈ છે. તેની પરથી પડદો ઉઠવો જ જોઈએ. આ કેસની સાચી હકીકત જલ્દી સામે આવવી જોઈએ. બિહાર પોલીસ તપાસ માટે સક્ષમ છે. પરિવારજનો ઈચ્છે છે કે આ કેસ CBIને સોંપવામાં આવે. આ કેસમાં જેને આરોપી કહી રહ્યા છે તે બધા ભાગી રહ્યા છે. બિહાર પોલીસ સહેલાઈથી આ કેસને હાથમાંથી છૂટવા નહિ દે. હકીકત સામે લાવીને રહીશું.’

‘આરોપીને ચોક્કસથી ફાંસી પર લટકાવીશું’
આની પહેલાં શનિવારે મુખ્યમંત્રી નીતીશ કુમારે કહ્યું હતું કે, સુશાંતના પિતા કે. કે સિંહ માગ કરશે તો CBI તપાસ થઇ શકે છે. FIR ફાઈલ થયા પછી બિહાર પોલીસ મુંબઈમાં પૂછપરછ કરી રહી છે. મુંબઈ પોલીસે તેમને મદદ કરવી જોઈએ. આ તપાસમાં બે રાજ્યોના ઝઘડાની વાતને કોઈ સ્થાન નથી. નીતીશની વાત પર ઉદ્ધવ ઠાકરેએ કહ્યું કે, જેની પાસે પણ કોઈ પ્રૂફ કે જાણકારી હોય તે લઇને આવે. આરોપીને ચોક્કસથી ફાંસી પર લટકાવીશું.

CBI તપાસની માગ
14 જૂને સુશાંત સિંહે મુંબઈમાં બાંદ્રા સ્થિત પોતાના ફ્લેટમાં ફાંસી લગાવીને આત્મહત્યા કરી લીધી હતી. સુશાંતના પરિવારજનોએ 28 જુલાઈએ પટનાના રાજીવ નગર પોલીસ સ્ટેશનમાં ગર્લફ્રેન્ડ રિયા ચક્રવર્તી અને તેના પરિવાર વિરુદ્ધ FIR કરી હતી. ચાર અધિકારીઓ તપાસ માટે મુંબઈ ગયા અને લોકલ પોલીસ સાથે મળીને પૂછપરછ કરી રહ્યા છે. જો કે, આરોપો એવા લાગી રહ્યા છે કે, મુંબઈ પોલીસ બિહાર પોલીસ સાથે કોઓપરેટ કરી રહી નથી. બીજી તરફ સુશાંતના મૃત્યુ પછી CBI તપાસની માગ થઇ રહી છે.

Download Dainik Bhaskar App to read Latest Hindi News Today

There Is A Problem As We Haven't Yet Received Even The Basic Documents Related To Sushant Singh Rajput Death Case, Bihar DGP Gupteshwar Pandey

from Divya Bhaskar https://ift.tt/3gndS3g
https://ift.tt/39PJcpa