સુશાંત સિંહ રાજપૂત આત્મહત્યા કેસમાં સુપ્રીમ કોર્ટ આજે ગુરુવારે રિયા ચક્રવર્તીની યાચિકા પર નિર્ણય આપી શકે છે. તેના પછી ખબર પડશે કે આ કેસની તપાસ મુંબઈ પોલીસ અથવા CBI બંનેમાંથી કોને મળશે. કોર્ટના નિર્ણય પહેલાં સુશાંતની મોટી બહેન શ્વેતા સિંહ કીર્તિએ સોશિયલ મીડિયા પર એક વીડિયો શેર કરીને CBI તપાસની માગ માટે એકજૂથ રહેવાની અપીલ કરી છે.
વીડિયો શેર કરીને શ્વેતાએ લખ્યું, CBI તપાસ માટે એક રાષ્ટ્ર તરીકે આપણે એકજૂથ રહેવાનું છે. નિષ્પક્ષ તપાસની માગ કરવી આપણો અધિકાર છે અને આપણે આનાથી વધુ કઈ નથી ઇચ્છતા બસ સત્ય સામે આવવું જોઈએ. #CBIForSSR #Warriors4SSR #justiceforSushanthSinghRajput
કહ્યું- આપણને હકીકત જાણવાનો પૂરો હક છે
વીડિયોમાં તેણે કહ્યું, નમસ્કાર હું સુશાંત સિંહ રાજપૂતની બહેન શ્વેતા સિંહ કીર્તિ છું અને હું તમને બધાને એકસાથે રહીને સુશાંત માટે CBI તપાસની માગ કરવા અપીલ કરી રહી છું. આપણને હકીકત જાણવાનો પૂરો હક છે. અમે ઇચ્છીએ છીએ કે સુશાંતને ન્યાય મળે. નહીં તો અમે ક્યારેય કોઈ નિષ્કર્ષ સુધી નહીં પહોંચી શકીએ અને ક્યારેય શાંતિપૂર્ણ જીવન જીવી નહીં શકીએ.
આગળ તેણે કહ્યું દિલથી તમને બધાને વિનંતી કરું છું કે આપણે એકજૂથ થઈને CBI તપાસની માગ કરીએ. કારણકે આપણને સત્ય જાણવાનો હક છે. આભાર. #CBIForSSR પ્લીઝ. આ વીડિયોમાં તેણે PMO, વડાપ્રધાન મોદી અને ગૃહમંત્રી અમિત શાહને પણ ટેગ કર્યા છે.
We stand together as a nation for CBI Enquiry! Demanding an unbiased investigation is our right and we expect nothing but the truth to come out. 🙏 #CBIForSSR #Warriors4SSR #justiceforSushanthSinghRajput @PMOIndia @narendramodi @AmitShah pic.twitter.com/5WgkaUQybJ
— shweta singh kirti (@shwetasinghkirt) August 13, 2020
નિષ્કર્ષ સુધી પહોંચવામાં અમારી મદદ કરો
આ પહેલાં બુધવારે મોડી રાત્રે એક ટ્વીટમાં શ્વેતાએ લખ્યું હતું, આ જ સમય છે જ્યારે આપણને સત્યની જાણ થઇ શકે છે અને ન્યાય મળી શકે છે. મહેરબાની કરીને અમારા પરિવારને અને આખી દુનિયાને સત્ય જાણવા અને નિષ્કર્ષ સુધી પહોંચવામાં મદદ કરો. નહીં તો અમે શાંતિથી જીવી નહીં શકીએ.
It’s time we find the truth and get justice. Please help our family and the whole world to know what the truth and find closure, otherwise we will never be able to live a peaceful life!!#CBIForSSR Raise your voice and demand #JusticeForSushantSinghRajput #WarriorsForSSR pic.twitter.com/eK88sJl7bi
— shweta singh kirti (@shwetasinghkirt) August 12, 2020
કોર્ટ આજે નિર્ણય આપી શકે છે
સુશાંતના મૃત્યુ પછી તેના પિતા કેકે સિંહે 25 જુલાઈએ પટનાના રાજીવનગર પોલીસ સ્ટેશનમાં સુશાંતની ગર્લફ્રેન્ડ રિયા અને તેના પરિવારના છ લોકો વિરુદ્ધ આત્મહત્યા કરવા માટે ઉશ્કેરવાનો આરોપ સહિત અન્ય આરોપો લગાવીને કેસ ફાઈલ કર્યો છે. આ કેસને મુંબઈ ટ્રાન્સફર કરવાની માગને લઈને રિયાએ સુપ્રીમ કોર્ટમાં યાચિકા ફાઈલ કરી છે. જેના પર કોર્ટ આજે ચુકાદો આપી શકે છે. નિર્ણય પછી સ્પષ્ટ થઇ જશે કે આ કેસ મુંબઈ પોલીસ હેન્ડલ કરશે કે CBI.
આ પહેલાં 11 ઓગસ્ટે થયેલ સુનાવણી દરમ્યાન કોર્ટે તમામ પક્ષની દલીલ સાંભળ્યા બાદ તેનો નિર્ણય આજ માટે સુરક્ષિત રાખી લીધો હતો. કોર્ટમાં રિયાની મીડિયા ટ્રાયલ રોકવાની યાચિકા પર પણ આજે જ સુનાવણી થશે.
Download Dainik Bhaskar App to read Latest Hindi News Today
from Divya Bhaskar https://ift.tt/33WO4YG
https://ift.tt/2Fe3wFe
No comments:
Post a Comment
If you have any doubts please let me know!