એનિમલ લવર અને તેમના માટે અવાજ ઉઠાવતી શ્રદ્ધા કપૂર ફરીવાર પ્રાણીઓના હક અને આઝાદી માટે આગળ આવી છે. લોકડાઉનને કારણે ઘરમાં બંધ રહીને માણસો કંટાળી જાય છે તો પાંજરામાં પુરાઈને રહેતા પ્રાણીઓની શું હાલત થતી હશે? પ્રાણીસંગ્રહાલયમાં પાંજરામાં રહીને જીવન વિતાવતા પ્રાણીઓનો એક વીડિયો શેર કરીને શ્રદ્ધાએ લોકડાઉન ઝૂ નામની પહેલમાં ફાળો આપ્યો છે. આ વીડિયોમાં તેણે તેનો અવાજ આપ્યો છે અને તે આ પ્રાણીઓની સ્ટોરી કહી રહી છે.
View this post on InstagramA post shared by Shraddha (@shraddhakapoor) on May 14, 2020 at 11:29pm PDT
હિન્દી અને અંગ્રેજી એમ બે ભાષામાં વીડિયો શેર કરી શ્રદ્ધાએ કેપ્શનમાં લખ્યું હતું કે, આપણામાંથી ઘણા બધા આ લોકડાઉનમાં ઘરમાં પૂરાઈને કંટાળી ગયા છે. વિચારો કે પરિવારથી દૂર, ઘરથી દૂર તમને આખી જિંદગી પૂરી રાખવામાં આવે તો? પ્રાણીઓને પણ આપણી જેમ લાગણી હોય છે. પરિવારથી અલગ થતા તેઓ પણ ડિપ્રેસ થઇ જાય છે. આપણે એવું શું કામ માનવું જોઈએ કે આપણને તેમની આઝાદી લઇ લેવાનો હક છે? આ પ્રોજેક્ટ માટે મેં તરત હા પાડી દીધી કારણકે મને લાગે છે કે હું તેમનો અવાજ બની શકીશ જે બોલી નથી શકતા. આપણે મૂંગા પ્રાણીઓ માટે બોલવાની જરૂર છે. મને આશા છે કે તમે બધા પણ આમ જ કરશો.
View this post on InstagramA post shared by Shraddha (@shraddhakapoor) on May 15, 2020 at 2:54am PDT
શ્રદ્ધા હાલ લોકડાઉનમાં ઘરે પરિવાર સાથે સમય પસાર કરી રહી છે. તે થ્રોબેક ફોટોઝ સોશિયલ મીડિયા પર શેર કરતી રહે છે. કોરોના વોરિયર્સનો આભાર માનવા માટે પણ તે પોસ્ટ શેર કરતી રહે છે.
Download Dainik Bhaskar App to read Latest Hindi News Today
from Divya Bhaskar https://ift.tt/3dS7Kyf
https://ift.tt/3bDDPZg