રિયા ચક્રવર્તીએ પાંચ વાર પૂજા-પાઠના નામ પર પૈસા કાઢ્યાં હતાં, પરિવારનો દાવો- આ પૈસાથી સુશાંત પર કાળો જાદુ કરવામાં આવ્યો

સુશાંત સિંહ રાજપૂત સુસાઈડ કેસમાં તેની ગર્લફ્રેન્ડ રિયા ચક્રવર્તી પર ગંભીર આક્ષેપો કરવામાં આવ્યો છે. એક રિપોર્ટ પર વિશ્વાસ કરીએ તો કોટક મહિન્દ્રા બેંકમાંથી સુશાંતના અકાઉન્ટની માહિતી સામે આવી છે. આ માહિતી પ્રમાણે, પાંચવાર પૂજા-પાઠ તથા પંડિતના નામ પર પૈસા કાઢવામાં આવ્યા હતા. સુશાંતના પરિવારે ગંભીર આક્ષેપ કર્યો છે કે રિયાએ આ પૈસાથી સુશાંત પર કાળો જાદુ કર્યો હતો.

આજ તકના રિપોર્ટ પ્રમાણે, કોટક મહિન્દ્રા બેંકમાંથી સુશાંતના ખાતાના જે પેપર સામે આવ્યા છે તે પ્રમાણે, 2019માં 14, 22 જુલાઈ તથા 2, 8 તથા 15 ઓગસ્ટના રોજ પૂજા-પાઠના નામે પૈસા લેવામાં આવ્યા હતા. 15 ઓગસ્ટ પછી એક પણ વાર પૂજા સામ્રગીના નામ પર પૈસા કાઢવામાં આવ્યા નહોતો.

તારીખ	અકાઉન્ટમાંથી કેટલા પૈસા લીધા?
14 જુલાઈ, 2019	45 હજાર રૂ.
22 જુલાઈ, 2019	55 હજાર રૂ., 36 હજાર રૂ.
2 ઓગસ્ટ, 2019	86 હજાર રૂ.
8 ઓગસ્ટ, 2019	11 હજાર રૂ.
15 ઓગસ્ટ, 2019	60 હજાર રૂ.

90 દિવસમાં 3.24 કરોડ રૂપિયાનું ટ્રાન્ઝેક્શન
આ રિપોર્ટ પ્રમામે, સુશઆંતના બેંક ખાતમાં 4.64 કરોડ રૂપિયાનું બેલેન્સ હતું. માત્ર 90 દિવસમાં 3.24 કરોડ રૂપિયા ખર્ચ કરવામાં આવ્યા હતા. 90 દિવસ બાદ બેલેન્સ માત્ર 1.4 કરોડ રૂપિયા રહ્યું હતું. સુશાંતના અકાઉન્ટમાંથી પૈસા ટ્રાન્સફર કરવામાં આવ્યા હતા અથવા તો પૈસા કાઢવામાં આવ્યા હતા. મોટાભાગના પૈસા રિયા અથવા તેના પરિવાર પાછળ ખર્ચ કરવામાં આવ્યા હતા.

કેટલાંક ખર્ચાઓની વિગતો

• 14 ઓક્ટોબર, 2019ના રોજ બેલેન્સ 4.64 કરોડ રૂ.
• 14 ઓક્ટોબર, 2019ના રોજ રિયાના ભાઈ શોવિકના અકાઉન્ટમાં 81,901 રૂ. ટ્રાન્સફર થયા
• 15 ઓક્ટોબર, 2019ના રોજ 4.7 લાખ રૂ. રિયાના ભાઈ શોવિકના હોટલ ખર્ચ પાછળ ખર્ચ્યા
• 15 ઓક્ટોબર, 2019ના દિવસે 4.3 લાખ રૂપિયા દિલ્હીની હોટલ તાજમાં રહેવા માટે ખર્ચ થયા
• 16 ઓક્ટોબર, 2019ના રોજ રિયા તથા શોવિકની દિલ્હીની ફ્લાઈટ ટિકિટ માટે 76 હજાર રૂ. ખર્ચ થયા
• ત્યારબાદ થોડાં થોડાં દિવસના અંતરે અલગ-અલગ રીતે લાખો રૂપિયાનું ટ્રાન્ઝેક્શન કરવામાં આવ્યું હતું
• 14 નવેમ્બર, 2019ના રોજ રિયના નામ પર દોઢ લાખ રૂપિયાનું ટ્રાન્ઝેક્શન થયું હતું
• 20-21 નવેમ્બર, 2019ના રોજ રિયાના મેક-અપ તથા શોપિંગ પાછળ 75 હજાર રૂ. ખર્ચ થયા
• 24 નવેમ્બર, 2019ના દિવસે રિયાના શોપિંગ પર 22,220 રૂ. ખર્ચ થયા
• 25 નવેમ્બરે આ જ ખાતામાંથી રિયાના ભાઈની ટ્યૂશન ફી ચૂકવવામાં આવી હતી

બેંક અકાઉન્ટની ડિટેલ પ્રમાણે, નિયમિત રીતે સુશાંતના ખાતામાંથી અનેક ટ્રાન્ઝેક્શન થયા હતા. આ ટ્રાન્ઝેક્શન રિયા તથા તેના પરિવારના સભ્યોના નામે હતા. રોકડ રકમ પણ ઉપાડવામાં આવી હતી પરંતુ આ રકમ શેની પાછળ ખર્ચ કરવામાં આવી તે હજી સુધી સ્પષ્ટ થયું નથી. ખાતામાંથી સુશાંતના અંગત ખર્ચા તથા ટેક્સની ચૂકવણી પણ કરવામાં આવી હતી. 1.5 કરોડથી વધુ રૂપિયાનું ટ્રાન્ઝેક્શન GST ચૂકવવા પાછળ કર્યું હતું.

પરિવારની માગણી, પોલીસ ટ્રાન્ઝેક્શનની તપાસ કરે
સુશાંતના પરિવારે દાવો કર્યો છે કે એક્ટરના ખાતામાંથી 15 કરોડ રૂપિયાની લેવડદેવડ રિયા તથા તેના નિકટના લોકો માટે થઈ હતી. વકીલ વિકાસ સિંહે કહ્યું હતું કે પોલીસે સુશાંતના ફાઈનાન્સિયલ ટ્રાન્ઝેક્શનની તપાસ કરવી જોઈએ. રિયાએ પૂરી રીતે સુશાંતને પોતાના વશમાં કરી લીધો હતો. રિયા, સુશાંતના જ ક્રેડિટ કાર્ડનો ઉપયોગ કરતી હતી. જોકે, રિયાએ આ દાવાઓને ખોટા ગણાવ્યા છે અને કહ્યું હતું કે તે અને સુશાંત લિવ-ઈનમાં રહેતાં હતાં.

સુશાંતના CAએનો દાવો, એક્ટરના અકાઉન્ટમાં 15 કરોડ રૂ. નહોતા
સુશાંત સિંહ રાજપૂતના CA રહી ચૂકેલા સંદીપ શ્રીધરે કહ્યું હતું કે પરિવાર જે રકમનો દાવો કરે છે તેટલી રકમ ક્યારેય સુશાંતના અકાઉન્ટમાં નહોતી. સુશાંત સામાન્ય રીતે શોપિંગ, ભાડું તથા પ્રવાસ પાછળ પૈસા ખર્ચ કરતો હતો. જે રકમનો દાવો કરવામાં આવ્યો છે તેટલી તો સુશાંતની આવક પણ નહોતી. ગયા વર્ષથી તેની કમાણી ઓછી તી ગઈ હતી. જોકે, રિપોર્ટ્સ પ્રમાણે, વર્ષ પહેલાં રિયાના ભાઈ શોવિકે જ સંદીપ શ્રીધરને સુશાંતના ત્યા અપોઈન્ટ કરાવ્યો હતો.

EDએ તપાસ શરૂ કરી
EDએ 31 જુલાઈના રોજ રિયા ચક્રવર્તી વિરુદ્ધ મની લોન્ડરિંગ કેસ દાખલ કર્યો છે. આવતા અઠવાડિયે રિયાને સમન્સ મોકલાય તેવી શક્યતા છે.

શું છે રિયાના પિતાનો આક્ષેપ?
સુશાંતના પિતા કેકે સિંહે 25 જુલાઈએ પટનામાં રિયા ચક્રવર્તી વિરુદ્ધ તેના દીકરાને આત્મહત્યા કરવા માટે ઉશ્કેરવાનો આક્ષેપ મૂકીને પોલીસ ફરિયાદ કરી છે. રિયા, તેનો ભાવિ શોવિક, પિતા ઇન્દ્રજીત, માતા સંધ્યા અને બે મેનેજર સૌમિલ ચક્રવર્તી અને શ્રુતિ મોદી વિરુદ્ધ ગંભીર આક્ષેપો મૂક્યા છે. તેમના વિરુદ્ધ IPCની કલમ 341 અને 342 (ખોટી રીતે રોકવા અથવા બંધક બનાવવા), 380 (ચોરી), 406 (ભરોસો તોડવો), 420 (છેતરપિંડી) અને 306 (આત્મહત્યા માટે ઉશ્કેરવા) હેઠળ કેસ દાખલ કરવામાં આવ્યો છે. સુશાંતના પરિવારે રિયા પર સુશાંતના અકાઉન્ટમાંથી 15 કરોડ રૂપિયા લેવાનો આક્ષેપ મૂક્યો છે.

Download Dainik Bhaskar App to read Latest Hindi News Today

rhea chakraborty withdrew money five times in the name of puja samagri, family claims- this money was used to cast black magic on Sushant

from Divya Bhaskar https://ift.tt/3fj8wVl
https://ift.tt/3fpWuJP

DGPએ કહ્યું, ‘અમને મુંબઈ પોલીસે મદદ કરી નથી, તેમણે પોસ્ટમોર્ટમ રિપોર્ટ કે સીસીટીવી ફૂટેજ પણ દેખાડ્યા નથી’

એક્ટર સુશાંત સિંહ રાજપૂતના સુસાઈડ કેસને લઈને મુંબઈ પોલીસ અને બિહાર પોલીસ વચ્ચેની ખેંચતાણ હજુ બંધ થઇ નથી. DGP ગુપ્તેશ્વર પાંડેએ કહ્યું કે, આ કેસમાં મુંબઈ પોલીસ અમારી મદદ કરી રહી નથી. તેમણે અમને પોસ્ટમોર્ટમ રિપોર્ટ પણ નથી આપ્યો કે સીસીટીવી ફૂટેજ કે અત્યાર સુધીની તપાસમાં જે માહિતીઓ સામે આવી છે તે પણ જણાવી નથી.

‘હકીકત સામે લાવીને રહીશું’
DGPએ કહ્યું કે, ‘સુશાંતનો કેસ મોટી મિસ્ટ્રી થઈ ગઈ છે. તેની પરથી પડદો ઉઠવો જ જોઈએ. આ કેસની સાચી હકીકત જલ્દી સામે આવવી જોઈએ. બિહાર પોલીસ તપાસ માટે સક્ષમ છે. પરિવારજનો ઈચ્છે છે કે આ કેસ CBIને સોંપવામાં આવે. આ કેસમાં જેને આરોપી કહી રહ્યા છે તે બધા ભાગી રહ્યા છે. બિહાર પોલીસ સહેલાઈથી આ કેસને હાથમાંથી છૂટવા નહિ દે. હકીકત સામે લાવીને રહીશું.’

‘આરોપીને ચોક્કસથી ફાંસી પર લટકાવીશું’
આની પહેલાં શનિવારે મુખ્યમંત્રી નીતીશ કુમારે કહ્યું હતું કે, સુશાંતના પિતા કે. કે સિંહ માગ કરશે તો CBI તપાસ થઇ શકે છે. FIR ફાઈલ થયા પછી બિહાર પોલીસ મુંબઈમાં પૂછપરછ કરી રહી છે. મુંબઈ પોલીસે તેમને મદદ કરવી જોઈએ. આ તપાસમાં બે રાજ્યોના ઝઘડાની વાતને કોઈ સ્થાન નથી. નીતીશની વાત પર ઉદ્ધવ ઠાકરેએ કહ્યું કે, જેની પાસે પણ કોઈ પ્રૂફ કે જાણકારી હોય તે લઇને આવે. આરોપીને ચોક્કસથી ફાંસી પર લટકાવીશું.

CBI તપાસની માગ
14 જૂને સુશાંત સિંહે મુંબઈમાં બાંદ્રા સ્થિત પોતાના ફ્લેટમાં ફાંસી લગાવીને આત્મહત્યા કરી લીધી હતી. સુશાંતના પરિવારજનોએ 28 જુલાઈએ પટનાના રાજીવ નગર પોલીસ સ્ટેશનમાં ગર્લફ્રેન્ડ રિયા ચક્રવર્તી અને તેના પરિવાર વિરુદ્ધ FIR કરી હતી. ચાર અધિકારીઓ તપાસ માટે મુંબઈ ગયા અને લોકલ પોલીસ સાથે મળીને પૂછપરછ કરી રહ્યા છે. જો કે, આરોપો એવા લાગી રહ્યા છે કે, મુંબઈ પોલીસ બિહાર પોલીસ સાથે કોઓપરેટ કરી રહી નથી. બીજી તરફ સુશાંતના મૃત્યુ પછી CBI તપાસની માગ થઇ રહી છે.

Download Dainik Bhaskar App to read Latest Hindi News Today

There Is A Problem As We Haven't Yet Received Even The Basic Documents Related To Sushant Singh Rajput Death Case, Bihar DGP Gupteshwar Pandey

from Divya Bhaskar https://ift.tt/3gndS3g
https://ift.tt/39PJcpa

પૂર્વ કુકનો ખુલાસો, રિયાના કહેવાથી જૂના સ્ટાફ મેમ્બર્સને કાઢી મૂકવામાં આવ્યા હતા, તેણે સરને પોતાના વશમાં કરી લીધા હતા

સુશાંત સિંહ રાજપૂત કેસની તપાસ અર્થે બિહાર પોલીસની એક ટીમ મુંબઈ આવી છે. આ દરમિયાન શનિવાર (પહેલી ઓગસ્ટ)ના રોજ ખાનગી ન્યૂઝ ચેનલે સુશાંતના ઘરના બે પૂર્વ સ્ટાફ મેમ્બર્સ સાથે વાત કરી હતી.

વાતચીતમાં બે પૂર્વ સ્ટાફ મેમ્બરે કહ્યું હતું કે રિયા ચક્રવર્તીના આવ્યા બાદ સુશાંતનું જીવન બદલાઈ ગયું હતું. તે પહેલાં ઘણો જ ઉત્સાહમાં હતો અને પોતાના કામથી લઈ દરેક બાબતમાં નિયમિત હતો. જોકે, રિયાના આવ્યા બાદથી સુશાંતના જીવનમાં અનેક ફેરફારો થવા લાગ્યા હતા. તેની તબિયત ખરાબ રહેતી અને કામ પણ ઓછું થઈ ગયું હતું. રિયા સુશાંતને પોતાના વશમાં રાખતી હતી.

રિયાના કહેવાથી મને નોકરીમાંથી કાઢી મૂક્યો
ABP ન્યૂઝ ચેનલ સાથેની વાતચીતમાં સુશાંતના પૂર્વ કુક અશોક કુમાર ખાસુએ કહ્યું હતું, ‘હું 2016થી સપ્ટેમ્બર, 2019 સુધી સુશાંતના ઘરે કુક તરીકે કામ કરતો હતો. સપ્ટેમ્બર મહિનામાં હું નેપાળ ગયો હતો. ઓક્ટોબરમાં જ્યારે પાછો આવ્યો ત્યારે સુશાંત સર તથા રિયા યુરોપ ટ્રિપ પર ગયા હતા. ત્યારે મને હાઉસ મેનેજર સેમિલે કહ્યું હતું કે રિયાના કહેવાથી મને નોકરીમાંથી કાઢી મૂકવામાં આવ્યો હતો. આ બધા દિવાળીની આસપાસ એટલે કે 27-28 ઓક્ટોબરે પાછા આવી ગયા હતા પરંતુ મેં આ અંગે ક્યારેય તેમની સાથે આ મુદ્દે વાત કરી નહોતી.’

અમને ખ્યાલ નથી કે તેઓ ડિપ્રેશનમાં હતાં
સુશાંતના ડિપ્રેશન અંગેના સવાલ પર અશોકે કહ્યું હતું, ‘જ્યાં સુધી હું કામ કરતો હતો ત્યારે એકવાર પણ એવું લાગ્યું નહીં કે તેઓ ડિપ્રેશનમાં હતાં. તે સમયે એવું સાંભળ્યું હતું કે તેઓ હોસ્પિટલમાં ચેકઅપ માટે ગયા હતા અને તેમને ડેન્ગ્યૂ થયો હતો. જોકે, હવે ખબર પડી કે તેમને ડિપ્રેશનની બીમારી હતી. ડિપ્રેશનમાં હતા તો અત્યાર સુધી આ વાત કેમ છૂપાવીને રાખવામાં આવી. તેમના પરિવારને આ અંગે કંઈ જ ખબર નથી. સ્ટાફને પણ આ વાતની ખબર નથી. આ તમામ વાતો સામે આવવી જોઈએ.’

સરે જાતે જ ફિલ્મમાં કામ કરવાની ના પાડી હતી
સુશાંત પાસે ફિલ્મ ના હોવા અંગે અશોકે કહ્યું હતું, ‘એવું નહોતું કે તેમની પાસે ફિલ્મ નહોતી પરંતુ તેમણે જાતે જ ફિલ્મમાં કામ ના કરવાનું નક્કી કર્યું હતું. તેમણે કહ્યું હતું કે તેઓ બે-ચાર મહિના આરામ કરશે અને અત્યારે કોઈ ફિલ્મ કરશે નહીં.’

રિયાએ અનેક લોકોને કાઢી મૂક્યા, સર આવું ક્યારેય કરતાં નહીં
સુશાંતના જીવન પર રિયાનાં કંટ્રોલ અંગે અશોકે કહ્યું હતું, ‘જ્યારે હું હતો ત્યારે મને આવું કંઈ જ લાગ્યું નહીં. મને નોકરીમાંથી કાઢી મૂક્યો ત્યારે પણ મારા મનમાં કોઈ શંકા થઈ નહીં. જોકે, મને કાઢ્યા પછી એક બૉડીગાર્ડ તથા એક અકાઉટન્ટને પણ કાઢી મૂક્યા હતા અને અમે ત્રણેયે આ અંગે વાત કરી હતી કે કેમ જૂના સ્ટાફને હટાવી દેવામાં આવ્યો. સુશાંત સર ક્યારેય કોઈ જૂના સ્ટાફને કાઢી મૂકતા નહોતા. પહેલાં પણ લોકો આવતા અને જતા રહેતા પરંતુ તે લોકો પોતાની મરજીથી જતાં રહેતાં હતાં પણ સર ક્યારેય સામેથી કોઈને કાઢી મૂકતા નહોતા.’

સુશાંત બદલાઈ ગયો હતો
સુશાંતના સ્ટાફમાં કામ કરી ચૂકેલ અન્ય એક સભ્યે ABP ન્યૂઝ સાથેની વાતચીતમાં કહ્યું હતું, ‘જ્યારે મેં કામ કરવાનું શરૂ કર્યું ત્યારે તેઓ બિલકુલ સ્વસ્થ હતા. તેમનું રૂટીન પણ ફિક્સ રહેતું. નાસ્તો, જિમ, શૂટિંગ... રિયા આવી પછી સ્ટાફ બદલવામાં આવ્યો હતો અને સુશાંત પણ બદલાયેલો લાગતો હતો. ઘરથી લઈ ઓફિસ સુધી તમામ જૂના માણસોને કાઢીને નવા માણસો લેવામાં આવ્યા હતા.’

રિયાના આવ્યા બાદ સુશાંતનો ઉત્સાહ ઓસરી ગયો હતો
પૂર્વ સ્ટાફ મેમ્બરે કહ્યું હતું, ‘રિયા નહોતી ત્યાં સુધી સુશાંત ઘણો જ ઉત્સાહમાં રહેતો પરંતુ પછી એવું થયું નહીં. પહેલાં તેઓ દરેક કામ સારી રીતે કરતા પરંતુ રિયાના આવ્યા બાદ તે બદલાઈ ગયો હતો. સુશાંતની તબિયત પણ સારી નહોતી રહેતી. તે દવાઓ લેતા હશે તો પણ અમને આ અંગે કંઈ જ ખબર નહોતી. મને ખ્યાલ નથી કે તેમના જીવનમાં શું ચાલતું હતું પરંતુ તે ઘણો જ બદલાઈ ગયો હતો.’

રિયાનો વ્યવહાર યોગ્ય નહોતો
રિયા અંગે વાત કરતા પૂર્વ સ્ટાફ મેમ્બરે કહ્યું હતું, ‘રિયાનો વ્યવહાર ક્યારેય સારો નહોતો. તેના આવ્યા બાદ બધું જ અસ્ત-વ્યસ્ત થઈ ગયું હતું. સુશાંત સર પહેલા જેવા નહોતા, ઘર તથા ઓફિસનો સ્ટાફ બદલાઈ ગયો હતો. બધું જ રિયા કહે તે જ રીતે કરવામાં આવ્યું હતું. જ્યાં સુધી હું હતો ત્યાં સુધી સુશાંત સર કોઈ દવા લેતા નહોતા. અમને ક્યારેય ખબર ના પડી કે તેઓ કોઈ દવા પણ લે છે.’

સુશાંત સર નબળા નહોતા
વધુમાં તેણે કહ્યું હતું, ‘રિયાએ તેમના જીવનમાં દખલગીરી કરવાનું શરૂ કર્યું હતું. ઘરમાં રિયાના મિત્રો તથા રિયાનો ભાઈ આવતો હતો. પાર્ટીઓ પણ થતી હતી. પહેલાં સુશાંતની બહેન પણ આવતી પરંતુ રિયાના આવ્યા બાદ તેણે પણ આવવાનું બંધ કરી દીધું હતું. માત્ર રિયાના પરિવારના સભ્યો આવતા હતા. સુશાંત સર નબળા દિલના નહોતા. તેમની પાસે કોઈ વસ્તુની ઊણપ નહોતી. તે કેવી રીતે આ પગલું ભરી શકે.’

Download Dainik Bhaskar App to read Latest Hindi News Today

Former Cook's revelation, rhea chakraborty she fired old members

from Divya Bhaskar https://ift.tt/2Xj4xls
https://ift.tt/30l3MKT

‘ખુદા હાફિઝ’ એક્ટ્રેસ શિવાલિકા ઓબેરોયે કહ્યું, ‘અમે ઉઝ્બેકિસ્તાનમાં -7 ડિગ્રી ટેમ્પરેચરમાં શૂટિંગ કર્યું, વિદ્યુતની સલાહથી મારી જિંદગી બદલાઈ ગઈ’

14 ઓગસ્ટથી વિદ્યુત જામવાલ સ્ટારર એક્શન થ્રિલર ફિલ્મ ‘ખુદા હાફિઝ’ ડિઝ્ની+હોટસ્ટાર પર સ્ટ્રીમ થવાની છે. આ ફિલ્મમાં એક્ટ્રેસ શિવાલિકા ઓબેરોય દેખાશે. તેણે ગયા વર્ષે રિલીઝ થયેલી ‘યે સાલી આશિકી’થી બોલિવૂડમાં કરિયરની શરૂઆત કરી હતી. શિવાલિકાએ દિવ્ય ભાસ્કર સાથે પોતાની અપકમિંગ ફિલ્મ સાથે જોડાયેલી ઘણા રસપ્રદ કિસ્સા કહ્યા.

પ્રશ્ન: અસિસ્ટન્ટ ડિરેક્ટરમાંથી કેમેરા સામે આવવાની ઈચ્છા ક્યારે થઇ?
શિવાલિકા: હું હંમેશાં એક્ટિંગ કરવા માગતી હતી, પરંતુ મારી ફેમિલીમાં આ ફિલ્ડ સાથે કોઈ જોડાયેલા નથી. આથી હું હાઉસફુલ 3 અને કિક જેવી ફિલ્મોમાં અસિસ્ટન્ટ ડિરેક્ટર બની અને ત્યારબાદ ઓડિશન આપવામાં ચાલુ કર્યા. ગયા વર્ષે મને મારી પ્રથમ ફિલ્મ મળી. અસિસ્ટન્ટ તરીકે કામ કર્યા પછી મને ફિલ્મ મેકિંગ વિશે ઘણી બધી માહિતી ખબર પડી. હું જે પણ શીખી તે બધું હવે એક્ટિંગમાં નિભાવી રહી છું.

પ્રશ્ન: તમારા રોલ વિશે કહો, પોતાને કેવી રીતે તૈયાર કર્યા?
શિવાલિકા: આ ફિલ્મમાં મેં નરગિસ નામની મુસ્લિમ મહિલાનો રોલ પ્લે કર્યો છે અને તેને બચાવવા માટે તેના પતિ વિદ્યુત જામવાલ પોતાનો જીવ જોખમમાં નાખી દે છે. મારો રોલ એકદમ સરળ મહિલાનો છે કે આંખોથી પણ વાત કરી લે છે.

પ્રશ્ન: શૂટિંગ દરમિયાન કઈ વસ્તુ ચેલેન્જિંગ રહી અને શેમાં સૌથી વધારે મજા આવી?
શિવાલિકા: મને યાદ છે કે, અમે ઉઝ્બેકિસ્તાનમાં શૂટિંગ કરાવા ગયા હતા, શરૂઆતમાં ત્યાં તાપમાન 12-13 ડિગ્રી સેલ્સિયસ હતું અને ધીમે-ધીમે તે માઈનસમાં જતું રહ્યું. -7 ડિગ્રીમાં શૂટિંગ કરવું ઘણું કપરું હતું. બધા લોકો ઠંડીનો સામનો કરી રહ્યા હતા કારણ કે અમે મુંબઈમાં રહીએ છીએ અને ત્યાં ઘણી ગરમી હોય છે. પણ ઠંડા વાતાવરણમાં શૂટિંગ કરવાની મજા પણ આવી. મેં આખી ટીમને ઠંડીમાં પણ જોશ સાથે કામ કરતા જોઈ.

પ્રશ્ન: બોલિવૂડમાં તમને કોની ફિલ્મ સૌથી વધારે પ્રેરણા આપે છે?
શિવાલિકા: મને આયુષ્માન ખુરાનાની જર્ની ઘણી પ્રેરણા આપે છે. તેઓ ઘણા અલગ-અલગ અને સુંદર રોલ પ્લે કરે છે. સાથે જ મને દીપિકા પાદુકોણ, આલિયા ભટ્ટ અને શ્રદ્ધા કપૂર પણ ગમે છે. મને લાગે છે કે શ્રદ્ધા એક ફુલ પેકેજ છે. તે સિંગિંગ કે ડાન્સિંગ કે એક્ટિંગને સારો ન્યાય આપે છે. આલિયાની ફિલ્મોની ચોઈસ મને ગમે છે.

પ્રશ્ન: વિદ્યુત જામવાલ સાથે કામ કરવાનો અનુભવ કેવો રહ્યો? તેમણે સેટ પર શું સલાહ આપી?
શિવાલિકા: વિદ્યુત માત્ર સારા એક્શન હીરો જ નથી પણ એક સારા વ્યક્તિ પણ છે. સેર પર અમે હંમેશાં વાતચીત કરતા રહીએ છીએ. તે ફિટનેસ કે ખાવાની હોઈ શકે છે. મને યાદ છે કે જ્યારે હું કોઈ સીન આપતી હતી અને તે એમને પસંદ આવતો હતો તો એ એક લાઈન બોલતા, ‘સ્ટાર હજુ કેટલું સારું કરીશ તું !’ તેમણે મને ફિટનેસને લઇને પણ સલાહ આપી કે હું મારી જિંદગીમાં યોગને સ્થાન આપું અને સાચું કહું તો લોકડાઉનમાં મેં યોગ કરવાના શરુ કરી દીધા છે. યોગે મારી જિંદગી બદલી નાખી છે.

Download Dainik Bhaskar App to read Latest Hindi News Today

'Khuda Hafiz' Actress Shivaleeka Oberoi Said We Shot In 7 Degree Temperature In Uzbekistan, My Life Changed With The Advice Of Electricity

from Divya Bhaskar https://ift.tt/2Xfwgne
https://ift.tt/2BP87fK

હોસ્પિટલના આઈસોલેશન વોર્ડમાંથી બિગ બીએ અમરસિંહને શ્રદ્ધાંજલિ પાઠવીને કહ્યું, આત્મા નથી રહી, માત્ર પ્રાર્થનાઓ રહી

11 જુલાઈથી મુંબઈની નાણાવટી હોસ્પિટલમાં અમિતાભ બચ્ચન કોવિડ 19ની સારવાર કરાવી રહ્યા છે. હોસ્પિટલના આઈસોલેશન વોર્ડમાંથી બિગ બીએ પોતાના મિત્ર અમરસિંહને શ્રદ્ધાંજલિ પાઠવી હતી. તેમણે સોશિયલ મીડિયામાં એક તસવીર શૅર કરી હતી. આ તસવીરમાં અમિતાભ બચ્ચનનું માથું ઝૂકાયેલું જોવા મળે છે. સોશિયલ મીડિયામાં શૅર કરવામાં આવેલી તસવીર સાથે કોઈ કેપ્શન પોસ્ટ કરવામાં આવ્યું નહોતું. જોકે, અમિતાભે બ્લોગમાં તસવીર સાથે અમરસિંહના સન્માનમાં બે ઈમોશનલ લાઈન લખી હતી.

અમિતાભે કહ્યું હતું,
‘શોકગ્રસ્ત, મસ્તિષ્ક ઝૂકેલું, માત્ર પ્રાર્થનાઓ રહી,
નિકટ પ્રાણ, સંબંધ નિકટ, તે આત્મા હવે નથી...’

એક સમયે અમરસિંહ બચ્ચન પરિવારની નિકટ હતા
એક સમયે હતો જ્યારે અમરસિંહ તથા બચ્ચન પરિવાર એકબીજાની નિકટ હતો. અમરસિંહ જ જયા બચ્ચનને સમાજવાદી પાર્ટીમાં લઈને આવ્યા હતા. જોકે, 2012માં અનિલ અંબાણીની પાર્ટીમાં જયા બચ્ચન સાથે બોલાચાલી થઈ હતી અને પછી બંનેના સંબંધોમાં કડવાશ આવી ગઈ હતી.

બચ્ચન પરિવાર પર અનેક આક્ષેપો કર્યા હતા
મ્યૂઝિક આલ્બમના લોન્ચિંગ દરમ્યાન અમરસિંહે કહ્યું હતું, ‘અમિતાભ બચ્ચન અનેક ગુનાહિત કેસમાં સામેલ છે. પનામા પેપર વિવાદમાં પણ તેમનું નામ આવ્યું હતું.’ અન્ય એક ઈવેન્ટમાં અમરસિંહે કહ્યું હતું, ‘ઐશ્વર્યા મને ઘણું સમ્માન આપે છે. અભિષેકે પણ આજ સુધી મારા વિરુદ્ધ કંઈ કહ્યું નથી. મને અમિતાભ બચ્ચન સામે પણ કોઈ વાંધો નથી. તેમણે જ મને કહ્યું હતું કે જયા બચ્ચનને રાજકારણમાં ના લાવો પણ મેં જ તેમની સલાહ ન માની.’

આ વર્ષે ફેબ્રુઆરીમાં બચ્ચન પરિવારની માફી માગી હતી
અમરસિંહે 18 ફેબ્રુઆરી, 2020ના રોજ અમિતાભ બચ્ચનની માફી માગી હતી. તેમણે ટ્વીટ કરીને કહ્યું હતું, ‘આજે મારા પિતાજીની પુણ્યતિથિ છે અને અમિતાભ બચ્ચનજીએ મને મેસેજ મોકલ્યો છે. જિંદગીના આ પડાવ પર હું જીવન અને મોત સામે લડી રહ્યો છું. અમિતજી તથા તેમના પરિવાર પર અનેક નિવેદનો કર્યા હતા અને તે માટે ખેદ પ્રગટ કરું છું. ભગવાન સૌની રક્ષા કરે.’

Today is my father’s death anniversary & I got a message for the same from @SrBachchan ji. At this stage of life when I am fighting a battle of life & death I regret for my over reaction against Amit ji & family. God bless them all.

— Amar Singh (@AmarSinghTweets) February 18, 2020

Download Dainik Bhaskar App to read Latest Hindi News Today

From the isolation ward of the hospital, Big B paid tribute to Amar Singh and said, "There is no soul left, only prayers."

from Divya Bhaskar https://ift.tt/31oBwGD
https://ift.tt/3k09byB

રાજકુમાર રાવની ગર્લફ્રેન્ડ પત્રલેખાએ કહ્યું, ‘રાજને નેરેશન આપવા માટે લોકો મને ફોન કરે છે, આથી હું કહી દઉં છું અમારું બ્રેકઅપ થઇ ગયું છે’

શનિવારે સાંજે અચાનક સમાચાર આવ્યા કે, રાજકુમાર રાવ અને તેની ગર્લફ્રેન્ડ પત્રલેખાનું બ્રેકઅપ થઇ ગયું છે. આ વિશે ભાસ્કરે પત્રલેખાનો સંપર્ક કર્યો તો કોઈ નવી જ સ્ટોરી સામે આવી અને પત્રલેખાએ વાઈરલ વાતો પણ ઘણી વસ્તુઓની ચોખવટ કરી.

પત્રલેખાએ કહ્યું કે, રાજકુમારને ઘણા બધા પ્રોડ્યુસર અને ફાઈનાન્સર તેમની ફિલ્મને લઇને અપ્રોચ કરે છે. આ માટે રાજે એક પેટર્ન બનાવી છે. જે લોકો રાજને ઓળખે છે તેઓ તે પેટર્નને ફોલો કરીને તેની એજન્સી કે મેનેજરનો સંપર્ક કરે છે.

‘હું કહી દઉં છું કે અમારું બ્રેકઅપ થઇ ગયું છે’
પત્રલેખાએ વધુમાં કહ્યું કે, જે લોકો તેની પેટર્ન જાણતા નથી તેઓ મારો સંપર્ક કરે છે, જેથી મારા દ્વારા રાજનું નેરેશન આપી શકે. મારી પાસે રાજને લઇને ફોન ચાલુ જ હોય છે. આવું મહિનામાં થતું જ રહે છે. આવા જ કોઈક કોલમાં મેં ગુસ્સામાં કહી દીધું હતું કે અમારું બ્રેકઅપ થઇ ગયું છે.

‘એકબીજાના કામમાં દખલ કરતા નથી’
પત્રલેખાએ વધુમાં જણાવ્યું કે, ‘હકીકતમાં આવું કઈ નથી. અમે બંને એકબીજાની કંપની એન્જોય કરી રહ્યા છીએ. અમે બંને એકબીજાને ઘણી સ્પેસ પણ આપીએ છીએ. પ્રોફેશનલ કામમાં ક્યારેય વચ્ચે આવતા નથી. તે મને મારી સ્ક્રિપ્ટ્સ વિશે પૂછતો નથી કે હું પણ તેના અપકમિંગ પ્રોજેક્ટ વિશે ટોકતી નથી.’

‘અમે એકબીજાને આઈ લવ યુ કહ્યું નથી’
‘અમે પ્રથમવાર ફિલ્મ લવ સેક્સ ઔર ધોખામાં મળ્યા હતા. પહેલાં અમે સારા મિત્ર બન્યાં અને પછી ખબર પડી અમે બંને એકબીજા માટે જ બન્યાં છીએ. અમારી લવ સ્ટોરી ફિલ્મી જેવી નથી. બંનેમાંથી કોઈએ ત્રણ મેજિકલ શબ્દો આઈ લવ યુ ક્યારેય બોલ્યા નથી. અમે બંને એકબીજાને અનહદ પ્રેમ કરીએ છીએ અને અમને ખબર છે કે આ વિશ્વાસ હંમેશાં રહેશે.’

‘અમારી વચ્ચે દોસ્તી વધારે છે’
લગ્નના પ્રશ્ન પર પત્રલેખાએ કહ્યું કે, ‘હાલ અમે બંને પોતપોતાની પ્રોફેશનલ લાઈફમાં વ્યસ્ત છીએ. આવનારા એક-બે વર્ષ સુધી લગ્નનો કોઈ વિચાર નથી. સમય આવશે ત્યારે તે બંધનમાં પણ જોડાઈશું. અમે સારા મિત્રો છીએ જેને લીધે આ રિલેશન સારું છે.’

Download Dainik Bhaskar App to read Latest Hindi News Today

Patralekhaa Says People Keep Calling Me To Give Rajkumar Rao A Narration, Then I Reply, 'Raj Has Broken Up With Me'

from Divya Bhaskar https://ift.tt/33d21Bg
https://ift.tt/2XfsJW0

કરણ જોહર-કાજોલથી અજય દેવગન-રોહિત શેટ્ટી સુધી, બોલિવૂડના સેલેબ્સ લડ્યાં-ઝઘડ્યાં, અલગ થયા પરંતુ આજે પણ સારા મિત્રો છે

આપણા દરેકના જીવનમાં મિત્રનું ઘણું મહત્ત્વ હોય છે. આપણા સૌની જેમ બોલિવૂડ સેલેબ્સના પણ ઘણા સ્પેશિયલ મિત્રો છે અને તેમની દોસ્તી વર્ષો જૂની છે. દરેકની જેમ આ સેલેબ્સ તેમના મિત્રો સાથે લડે છે અને પછી ફરીથી એક પણ થઇ જાય છે. જાણીએ બોલિવૂડના કેટલાક બેસ્ટ ફ્રેન્ડ્સ વિશે..

કરણ જોહર અને કાજોલ

કરણ જોહર અને કાજોલની મિત્રતા અને ઝઘડા કોઈથી છૂપાયેલા નથી. બંનેની મિત્રતા ‘કભી ખુશી કભી ગમ’ ફિલ્મથી શરુ થઇ હતી. બંને એકબીજાની નાની-મોટી ખુશીમાં સાથે દેખાતા. કરણની ઘણી ફિલ્મોમાં કાજોલ લીડ રોલમાં હતી અથવા તો કોઈને કોઈ રૂપે તે ફિલ્મમાં દેખાતી. પરંતુ એક સમય એવો આવ્યો કે, બંને વચ્ચે અંતર આવી ગયું. કરણની ફિલ્મ ‘એ દિલ હૈ મુશ્કેલ’ અને કાજોલના પતિ અજયની ફિલ્મ ‘શિવાય’ એકસાથે રિલીઝ થવાનું કારણ જવાબદાર હતું. બંને પોતાની ફિલ્મ રિલીઝ ડેટ બદલવા માટે તૈયાર નહોતા. કાજોલે તેના પતિનો સાથ આપી કરણ સાથે વાતચીત કરવાનું બંધ કરી દીધું. બંનેની ફિલ્મ એકસાથે રિલીઝ થઇ અને અજયની ફિલ્મને ઘણું નુકસાન પણ થયું. ત્યારબાદ બંને પહેલાં જેવા ન રહ્યા. કરણે તેની બાયોગ્રાફીમાં પણ કાજોલનું નામ લીધું નથી. કહેવાય છે ને સમય સાથે બધું સારું થઇ જાય છે. બંનેને પોતાની મિત્રતા યાદ આવી અને કરણે નેશનલ ટેલીવિઝન પર કાજોલનું નામ બુકમાં સામેલ ન કરવા માટે માફી પણ માગી હતી. આજે બંને સારા મિત્રો છે.

અજય દેવગન અને રોહિત શેટ્ટી

કાજોલની જેમ અજય પણ દોસ્તી નિભાવવામાં કોઈનાથી ઓછો નથી. અજય દેવગન અને રોહિત શેટ્ટી બાળપણથી મિત્રો છે. આથી જ રોહિતની મોટાભાગની ફિલ્મોમાં લીડ રોલમાં અજય હોય છે, પરંતુ થોડા સમય પહેલાં રોહિતે શાહરુખ ખાનને ‘દિલવાલે’માં કાસ્ટ કર્યો. આ વાતથી બંને વચ્ચે અંતર આવી ગયું. આ ફિલ્મ ફ્લોપ ગયા પછી રોહિતે ચોખવટ કરી હતી કે, હું આજે જે પણ છું તે અજયને લીધે છું. રોહિતે કહ્યું હતું, મારી ફિલ્મો ચાલી રહી નહોતી ત્યારે અજયે મારો સાથ આપ્યો હતો. મારી ફિલ્મો ફ્લોપ જતી હતી તેમ છતાં અજયે મારી સાથે કામ કર્યું. અજયે પણ જૂની વાતો ભૂલીને ફરીથી રોહિત સાથેની મિત્રતા દુનિયાને કહી હતી.

ફરાહ ખાન અને શાહરુખ ખાન

ફરાહ ખાન અને શાહરુખ ખાન બોલિવૂડમાં ગાઢ દોસ્તોમાંના એક છે.બંને એકબીજાની ફિલ્મોના ભાગ બનતા રહે છે, પરંતુ છેલ્લા કેટલાક વર્ષો પહેલાં બંને વચ્ચે અંતર આવી ગયું. ફરાહ ખાનના પતિ શિરીષ કુંદર શાહરુખ ખાનને પોતાની એક ફિલ્મમાં કાસ્ટ કરવા માગતા હતા, પરંતુ શાહરૂખે તેની ફિલ્મ કરવાની ના પાડી દીધી હતી. તેવામાં ફરાહ ખાને પતિ સાથે કામ કર્યું અને શાહરુખથી મોઢું ફેરવી લીધું. આશરે 5 વર્ષ સુધી બંનેમાં કોલ્ડ વોર ચાલતું રહ્યું, પરંતુ બંનેના સંબંધ એકવાર ફરીથી સામાન્ય થઇ ગયા છે.

સલમાન અને સંજય દત્ત

સલમાન અને સંજય દત્ત બેસ્ટ ફ્રેન્ડસ છે. થોડા વર્ષ પહેલાં બિગ બોસ સીઝન 5 માં સંજય દત્ત હોસ્ટ કરી રહ્યો હતો, ત્યારે અચાનક મેકર્સે તેને રિપ્લેસ કરીને સલમાનને ફરીથી હોસ્ટ બનાવી દીધો. મેકર્સના નિર્ણયની અસર બંનેના સંબંધ પર પડી અને બંનેએ એકબીજા સાથે વાતચીત કરવાનું બંધ કરી દીધું. સંજય દત્ત જ્યારે જેલમાં હતો ત્યારે સલમાન ખાન તેને મળવા પણ જતો હતો. સંજય ઘણી જગ્યાએ કહી ચૂક્યો છે કે બંને સારા મિત્રો છે અને હંમેશાં રહેશે.

અનુષ્કા શર્મા અને કેટરીના કૈફ

અનુષ્કા શર્મા અને કેટરીના કૈફની મિત્રતા પણ કોઈથી છૂપાયેલી નથી રહી. બંને એક સાથે શાહરુખ ખાન સ્ટારર ફિલ્મ ‘જબ તક હૈ જાન’ અને ‘ઝીરો’માં કામ કર્યું છે. બંનેને એકસાથે ઘણા ચેટ શૉમાં જોવા મળ્યા છે, જ્યાં બંને એક્ટ્રેસ એકબીજાના વખાણ કરતાં જોવા મળે છે, પરંતુ આ બંને વચ્ચે પણ કેટલાક સમય પહેલાં ઝઘડો થયો હતો, ત્યારબાદ થોડો સમય સુધી એકબીજાથી બંને અળગા રહ્યા હતા. વાત એમ હતી કે કેટરીનાના મેકઅપ મેને તેને છોડી અનુષ્કા સાથે કામ કર્યું હતું. તેને લીધે કેટરીના અનુષ્કા શર્માથી નારાજ થઈ હતી, પરંતુ ફિલ્મ ‘ઝીરો’ સાથે આ ખટાશ દૂર થઈ હતી.

અર્જન કપૂર અને રણવીર સિંહ

અર્જન કપૂર અને રણવીર સિંહ ફિલ્મી દુનિયામાં આવતા પહેલાં જ એકબીજાના મિત્ર છે, પરંતુ ફિલ્મ ‘ગુંડે’ દરમિયાન તેમના વચ્ચે ઈગોને લીધે તકરાર શરૂ થઈ હતી. બંનેને એકબીજાની હાજરીથી અણગમો હતો, પરંતુ થોડા સમય પહેલાં જ તેમણે આ અણગમાને દૂર કર્યો હતો. હવે આ બંને મિત્રો અવોર્ડ ફંક્શન, ચેટ શૉઝ અને સોશિયલ મીડિયામાં એકબીજાની મજાક ઉડાવતા નજરે પડે છે. બંને ઘણી વખત એ કહેતા જોવા મળે છે કે, ‘યે દોસ્તી હમ કભી નહીં તોડેંગે’.

સલમાન ખાન અને શાહરુખ ખાન

મિત્રતાની વાત થાય અને તેમાં સલમાન ખાન અને શાહરુખ ખાનનું નામ ન આવે એવું તો બને જ નહીં. જોકે, થોડા સમય પહેલાં બંનેની મિત્રતામાં થોડી ખટાશ આવી છે. તેનું કારણ એશ્વર્યા રાય બચ્ચન ગણાય છે. વાત એમ છે કે સલમાન અને એશ્ચર્યાનું બ્રેક અપ થયું હતું અને તે દરમિયાન એશ્ચર્યા શાહરુખ ખાનની ફિલ્મોમાં કામ કરી રહી હતી. સલમાને શાહરુખના ફિલ્મ સેટ પર જઈને ઘણી બબાલ કરી હતી. ત્યારબાદ બંનેની મિત્રતામાં ખટાશ આવી ગઈ હતી. થોડા સમય બાદ ફરી મિત્રતા તો થઈ, પરંતુ વર્ષ 2008માં કેટરીના કૈફની પાર્ટીમાં નશાની હાલમાં આ બંને સ્ટાર્સ ફરી ઝઘડો કરી બેઠા. બંને વચ્ચે મારામારી પણ થઈ હતી. ત્યારબાદ ઘણા વર્ષો સુધી બંનેએ એકબીજા સાથે વાતચીત પણ કરી ન હતી. વર્ષ 2014માં બાબા સિદ્દીકીની ઈફ્તાર પાર્ટીમાં બંને મનભેદ ભૂલી ગળે મળ્યા હતા. આજે બંને સારા મિત્રો છે.

સલમાન ખાન અને પ્રિટી ઝિન્ટા​​​​​​​​​​​​​​

સલમાન ખાન તેના મોટા મનને લીધે જાણીતો છે. તેની દોસ્ત પ્રિટી ઝિન્ટા પણ છે. પ્રિટીએ એક્ટિંગથી બ્રેક લઈ પ્રોડ્યુસર બનવાનું મન બનાવ્યું તો તે ફાઈનાન્શિયલ પ્રોબ્લેમમાં ફસાઈ ગઈ હતી. તેનું કારણ ફિલ્મસ ડિલે થવાનું હતું. એક સમય એવો આવ્યો કે પ્રિટીને લાગ્યું કે ન તો હવે ફિલ્મ બનશે ન તો તે પૈસા બચાવી શકશે. તે સમયે સલમાને તેની ફાઈનાન્શિયલ મદદ કરી ‘ઈશ્ક ઈન પેરિસ’ ફિલ્મ પૂરી કરી અને રિલીઝ કરાવી હતી. પ્રિટી ઘણી વાર જણાવી ચૂકી છે સલમાન હંમેશા ખડગની જેમ તેની સાથે રહે છે. બંને વચ્ચે ક્યારે પણ કોઈ ખટાશ આવી નથી.

Download Dainik Bhaskar App to read Latest Hindi News Today

FriendShip Day Special: Bollywood Stars Who Are Best Friends In Real Life

from Divya Bhaskar https://ift.tt/3foNhl4
https://ift.tt/31co0FI

SBI profit up 81% in June quarter to Rs 4,189 cr, moratorium down at 9.5%

A one-time gain of Rs 1,540 crore from the stake sale in its life insurance subsidiary and robust interest income were the key factors for the rise in profits Q1FY21

from Today's Paper https://ift.tt/33b0xaG
via