સુશાંત સિંહના પિતા કેકે સિંહે બિહારમાં કેસ ફાઈલ કર્યા બાદ ઘણા મોટા ખુલાસા થઇ રહ્યા છે. ઘણા લોકોના સ્ટેટમેન્ટ બાદ રિયા ચક્રવર્તી પર સવાલ ઊઠી રહ્યા છે. હવે આ કેસમાં સુશાંતના નજીકના મિત્ર મહેશ શેટ્ટીએ રિયાને લઈને એક મોટો ખુલાસો કર્યો છે ત્યારબાદ બિહાર પોલીસ તેને પ્રાઈમ વિટનેસ બનાવવાની છે. મહેશે જણાવ્યું કે તેણે સુશાંતને તેના પિતા સાથે વાત કરવાની સલાહ આપી હતી પરંતુ સુશાંતે એવું કહીને ના પાડી દીધી કે રિયા તેને આવું નહીં કરવા દે અને તે વારંવાર તેનો ફોન ચેક કરતી રહે છે.
સુશાંતના ફોનની જાસૂસી કરતી
CNN ન્યૂઝ 18ના સોર્સના જણાવ્યા મુજબ બિહાર પોલીસ મહેશના ખુલાસા બાદ તેને પ્રાઈમ વિટનેસ બનાવી રહી છે. મહેશે જણાવ્યું કે તેણે સુશાંતને તેના પરિવાર સાથે વાત કરવાની સલાહ આપી હતી પણ એક્ટરે કહ્યું હતું કે રિયા તેને આવું કરવા દેશે નહીં. સુશાંતે મહેશને એવું પણ કહ્યું કે રિયા સતત તેનો ફોન ચેક કરતી રહે છે. ઉપરાંત રિયા અને તેની માતા ઇચ્છતા હતા કે તે તેની આખી ટીમ બદલી લે પણ આનાથી સુશાંત ખુશ ન હતો.
મહેશ શેટ્ટીને પ્રાઈમ વિટનેસ બનાવી શકાય
સુશાંતના મૃત્યુ બાદ તેના રૂમમાં સૌપ્રથમ એન્ટર થનાર વ્યક્તિ મહેશ શેટ્ટી હતો. મૃત્યુ પહેલાં સુશાંતે રિયા અને મહેશને જ છેલ્લીવાર ફોન કર્યો હતો. જોકે મોડી રાત્રે ફોન કર્યો હોવાના કારણે બંનેએ કોલ રિસીવ કર્યો ન હતો. આ બધું જોઈને બિહાર પોલીસે મહેશની પૂછપરછ કરી જેમાં તેણે મોટો ખુલાસો કર્યો. હવે બિહાર પોલીસ ટૂંક સમયમાં મહેશને પ્રાઈમ વિટનેસ બનાવશે.
સુશાંતની બહેન મિતુએ પણ કહ્યું, રિયા સુશાંતને કંટ્રોલ કરતી હતી
સુશાંત સિંહ રાજપૂતની બહેન મિતુ સિંહે બિહાર પોલીસને તેનું સ્ટેટમેન્ટ આપી દીધું છે. સૂત્રોના જણાવ્યા અનુસાર, મિતુએ બિહાર પોલીસને એવું જણાવ્યું કે રિયાએ સુશાંતને પૂરી રીતે કંટ્રોલમાં કરી લીધો હતો અને ભૂત-પ્રેતની સ્ટોરી કહીને તેને ડરાવીને ઘર પણ બદલાવ્યું. તેની મંજૂરી મળ્યા બાદ જ સુશાંત તેના ઘરના લોકો સાથે વાત કરી શકતો હતો.
રિયા બહેનોને સુશાંતને મળવા દેતી ન હતી
મિતુના જણાવ્યા મુજબ, જ્યારે તે અને તેની બહેનો સુશાંતને મળવા જતી ત્યારે તેમને બિલ્ડિંગ નીચે જ ઘણા કલાક સુધી રાહ જોવડાવવામાં આવતી. તેમને કહેવામાં આવતું કે સુશાંત ઘરે નથી. રિયા ઘરે આવે ત્યાં સુધી તેમને રાહ જોવી પડતી અને રિયા ખુદ તેમને નીચે લેવા આવતી ન હતી. મિતુના જણાવ્યા મુજબ રિયાને સુશાંતની બહેનો ત્યાં રહેતી એ જરાપણ ગમતું ન હતું. આ બાબતે તેના સુશાંત સાથે ઝઘડા પણ થતા રહેતા.
રિયાએ સુપ્રીમ કોર્ટમાં અરજી કરી
બિહારમાં કેસ ફાઈલ થતા રિયા પર સુશાંતના પૈસા ખોટી રીતે વાપરવાનો અને તેની મેડિકલ ટ્રીટમેન્ટ સાથે ચેડાં કરવાના આરોપ લાગ્યા છે. તેના વિરુદ્ધ રિયાએ હાઇકોર્ટમાં યાચિકા ફાઈલ કરી છે જેમાં તેણે કહ્યું છે કે સુશાંતના પિતા કેકે સિંહે તેની વિરુદ્ધ ખોટો કેસ કર્યો છે. સુશાંત ડિપ્રેશનમાં હતો જેને કારણે તેણે આત્મહત્યા કરી છે.
Download Dainik Bhaskar App to read Latest Hindi News Today
from Divya Bhaskar https://ift.tt/3fi3NmQ
https://ift.tt/3glqmbK
No comments:
Post a Comment
If you have any doubts please let me know!