કોરોના મહામારીમાં લોકડાઉનને કારણે ફિલ્મ અને સિરિયલના શૂટિંગ બંધ થઇ ગયા હતા. અમુક મેકર્સે તો સિરિયલ પણ બંધ કરી દીધી છે. તો અમુક પ્રોડ્યુસર્સે તો તેમની સિરિયલની ટીમને પેમેન્ટ પણ નથી કર્યું. પૈસાની તંગીને કારણે એક્ટર્સ કોઈપણ કામ કરી રહ્યા છે. સાથ નિભાના સાથિયા અને હમારી બહુ સિલ્ક ફેમ એક્ટ્રેસ વંદના વિઠલાણીએ આ મહામારીમાં ગુજરાન ચલાવવા માટે રાખડી બનાવીને ઓનલાઇન સેલિંગ કરવાનું ચાલું કર્યું છે.
રાખડી બનાવીને ઓનલાઇન સેલિંગ ચાલું કર્યું
હમારી બહુ સિલ્કના લીડ એક્ટર ઝાન ખાને વંદનાની આપવીતીનો વીડિયો તેના ઇન્સ્ટાગ્રામ પર શેર કર્યો હતો. વંદના પણ આ સિરિયલની કાસ્ટમાં સામેલ હતા. તેમણે જણાવ્યું કે લોકડાઉનમાં તેમને છેલ્લા શોનું પેમેન્ટ ન મળતા તેઓ ખરાબ સ્થિતિમાંથી પસાર થઇ રહ્યા છે. તેમણે જણાવ્યું કે, પરિવારનું ગુજરાન ચલાવવા માટે અને બાળકોની સ્કૂલની ફી ભરવા માટે રાખડી બનાવીને ઓનલાઇન સેલિંગ કરવાનું ચાલું કર્યું છે. તેમણે કહ્યું મારા પતિ વિપુલ થિયેટર આર્ટિસ્ટ છે પણ કોરોના લોકડાઉનને કારણે તેમની પાસે કોઈ કામ નથી.
View this post on InstagramA post shared by ZAAN KHAN (@zaan001) on Jun 8, 2020 at 2:33am PDT
તેમણે કહ્યું કે, મેં મારી જાતને વ્યસ્ત રાખવા અને પૈસા કમાવા માટે રાખડી બનાવીને ઓનલાઇન સેલ કરવાનું ચાલું કરી દીધું છે. સ્વાભાવિક છે કે હું કઈ એટલી બધી કમાણી નથી કરી રહી પણ હાલના સમયે જે મળે જેટલું મળે એ બધું સારું જ છે.
શૂટિંગ કર્યું પણ પેમેન્ટ હજુ નથી મળ્યું
વાત આખી એમ છે કે હમારી બહુ સિલ્ક સિરિયલના મેકર્સે ટીમને પૈસા ચૂકવ્યા નથી. સ્ટારકાસ્ટ, ક્રૂ મેમ્બર્સ, મેકઅપ આર્ટિસ્ટથી લઈને ટેક્નિશિયન સુધીના લોકોનું લાખો રૂપિયાનું પેમેન્ટ કરવાનું બાકી છે. તેમાંના એક વંદના પણ છે. વંદનાએ કહ્યું કે, મેં 2019માં મે મહિનાથી ઓક્ટોબર સુધીનું શૂટિંગ કર્યું હતું પરંતુ મને પેમેન્ટ માત્ર મે મહિનાનું જ મળ્યું છે. પેમેન્ટ નથી મળ્યું એને એક વર્ષ થઇ ગયું અને હવે મારું બધું સેવિંગ્સ પણ પૂરું થઇ રહ્યું છે.
View this post on InstagramA post shared by ZAAN KHAN (@zaan001) on Jul 23, 2020 at 5:28am PDT
વંદનાએ જણાવ્યું કે, 2019માં નવેમ્બરમાં તેમને મુસ્કાન સિરિયલમાં રોલ મળ્યો હતો. પરંતુ તે શો બે મહિનામાં જ બંધ થઇ ગયો. મને તેનું પેમેન્ટ મળ્યું હતું પણ ક્યાં સુધી તે પૈસા ચાલવાના હતા?
Download Dainik Bhaskar App to read Latest Hindi News Today
from Divya Bhaskar https://ift.tt/2Dc6ZTC
https://ift.tt/3jE2AK1
No comments:
Post a Comment
If you have any doubts please let me know!