સુશાંત સિંહના નિધન બાદ ઈન્ડસ્ટ્રી પર સવાલ, સેલેબ્સે કહ્યું, ‘ખબર હોવા છતાંય કોઈએ મદદ ના કરી’

સુશાંત સિંહ રાજપૂત છેલ્લાં છ મહિનાથી ડિપ્રેશનમાં હતો અને તેની સારવાર કરાવતો હતો. સુશાંતના આકસ્મિક નિધનથી બોલિવૂડ સેલેબ્સે દુઃખ પ્રગટ કર્યું હતું અને સાંત્વના પાઠવી હતી. જોકે, બોલિવૂડમાંથી જ કેટલાંક લોકોને આ વાત પંસદ આવી નથી. તેમણે ગ્લેમર વર્લ્ડની કડવી હકીકત જણાવી હતી.

સુશાંત કોઈ સ્ટાર કિડ નહોતો અને તે એક સામાન્ય વ્યક્તિની જેમ આ ઈન્ડસ્ટ્રીમાં આવ્યો હતો અને તેણે પોતાનું સ્થાન બનાવવાનો પ્રયાસ કર્યો હતો. ફિલ્મ ‘એમ એસ ધોની’ના ડિરેક્ટર અરૂણ પાંડેએ એક વાતચીતમાં કહ્યું હતું કે સુશાંત ઘણો જ સંવેદનશીલ વ્યક્તિ હતો અને તેને લાગતું હતું કે તે આ ઈન્ડસ્ટ્રીનો હિસ્સો નથી. તેને આ ઈન્ડસ્ટ્રીના હિસ્સો બનવા માટે ઘણી જ મહેનત કરવી પડશે.

ફિલ્મ ઈન્ડસ્ટ્રીને નિર્દયી કહી
એક્ટર નિખિલ દ્વિવેદી, મીરા ચોપરા તથા હેરસ્ટાઈલિસ્ટ સપના ભવનાનીએ આ ઈન્ડસ્ટ્રીને ક્રૂર તથા નિર્દયી કહી હતી.

પ્રિયંકા ચોપરાની બહેન મીરા ચોપરાએ કહ્યું હતું, ‘અમે એક એવી ઈન્ડસ્ટ્રીમાં કામ કરી રહ્યાં છીએ, જે બેરહેમ છે. અમને લાંબા સમયથી ખબર હતી કે સુશાંત મુશ્કેલીમાં છે પરંતુ કોઈએ પણ તેની મદદ ના કરી. તેના મિત્રો તથા નિકટના ક્યાં છે? કેમ કોઈએ તેની મદદ ના કરી. તેને પ્રેમ ના આપ્યો, તેને એ કામ ના આપ્યું, જે તે કરવા ઈચ્છતો હતો, કારણ કે કોઈને તેની પરવા જ નહોતી. મારે કહેવું પડશે કે અહીંયા કોઈ તમારી મુશ્કેલીની પરવા કરતું નથી. સુશાંત, તમારું મોત એ એક અંગત ખોટ છે. હું જે રીતે ઈન્ડસ્ટ્રીને જોતી હતી, તે રીતે હવે ક્યારેય જોઈ શકીશ નહીં. અમે તને સાથ આપવામાં નિષ્ફળ રહ્યાં. આ ઈન્ડસ્ટ્રી નિષ્ફળ રહી. તું વધુ મેળવવાને લાયક હતો. મને માફી કરી દેજે....’

My apology to #sushant on behalf of the entire industry and a humble request to my industry folks!! pic.twitter.com/PJHhet6V6I

— meera chopra (@MeerraChopra) June 15, 2020

નિખિલ દ્વિવેદીએ કહ્યું હતું, ‘ઘણીવાર મને ફિલ્મ ઈન્ડસ્ટ્રીના દંભ પર ચીડ ચડે છે. મોટા મોટા લોકો કહી રહ્યાં છે કે તેમણે સુશાંતના સંપર્કમાં રહેવાની જરૂર હતી. શું બોલી રહ્યાં છે આ લોકો? તમે એવું નહોતા કરવાના, કારણ કે તેના કરિયરનો ગ્રાફ નીચે જઈ રહ્યો હતો. તો તમારું મોં બંધ જ રાખો. શું તમે લોકો ઈમરાન ખાન તથા અભય દેઓલ અને અન્યના ટચમાં છો? નથી ને, કારણ કે તમે ત્યારે એ લોકોના સંપર્કમાં હતાં જ્યારે તેમની કરિયર સારી ચાલતી હતી.’

At times our movie industry's hypocrisy gets to me. High &mighty announcing they shud ve kept in touch wth Sushant..
Cmon u didn't! &thts coz his career dipped. So STFU! R u in touch with Imran Khan, Abhay Deol &others? No!
But u were, whn they were doing well#SushantSinghRajput

— Nikhil Dwivedi (@Nikhil_Dwivedi) June 14, 2020

‘બિગ બોસ’ની પૂર્વ સ્પર્ધક તથા હેરસ્ટાઈલિસ્ટ સપના ભવનાનીએ પણ ઈન્ડસ્ટ્રીને આડેહાથ લીધી હતી. તેણે ધોની તથા સુશાંતની તસવીર શૅર કરીને કહ્યું હતું, ‘એ વાતમાં કોઈ શંકા નથઈ કે સુશાંત છેલ્લાં ઘણાં વર્ષોથી મુશ્કેલીમાં હતો. ઈન્ડસ્ટ્રીની એક પણ વ્યક્તિ તેની સાથે ઊભી ના રહી અને ના તો કોઈએ મદદ કરી. આજે તેના વિશે પોસ્ટ કરવામાં આવે છે. એ બતાવે છે કે ઈન્ડસ્ટ્રી કેટલી બનાવટી છે. અહીંયા કોઈ તમારું મિત્ર નથી.’

View this post on Instagram

It’s no secret Sushant was going through very tough times for the last few years. No one in the industry stood up for him nor did they lend a helping hand. To post about him today is the biggest display of how shallow the industry really is. No one here is your friend. RIP ✨

A post shared by 𝕭𝖚𝖒𝖇𝖆𝖎 𝕶𝖎 𝕽𝖆𝖓𝖎 (@sapnamotibhavnani) on Jun 14, 2020 at 4:57am PDT

Download Dainik Bhaskar App to read Latest Hindi News Today

sushant singh rajput suicide, celebs questioned

from Divya Bhaskar https://ift.tt/3fpcRqv
https://ift.tt/3ht0KdQ